30 Jun,2026

ချမ်းမြသာစည်  ဇွန်  ၃၀

(၁၀၄) ကြိမ်မြောက် အပြည်ပြည်ဆိုင်ရာသမဝါယမနေ့ကို ကြိုဆိုဂုဏ်ပြုသောအားဖြင့် နားမကြားသောကလေးများကျောင်းသို့ အလှူငွေများပေးအပ် လှူဒါန်းပွဲကို မန္တလေးတိုင်းဒေသကြီး၊ ချမ်းမြသာစည်မြို့နယ် လူမှုဝန်ထမ်းဦးစီးဌာနမှူးရုံး၌ ကျင်းပသည်။

ချမ်းမြသာစည်မြို့နယ်သမဝါယမဦးစီးဌာနနှင့် မြို့နယ်သမဝါယမအသင်းစုတို့ပူးပေါင်း၍ လူမှုကရုဏာ လုပ်ငန်းတစ်ရပ်အနေဖြင့် နားမကြားသောကလေးများကျောင်းသို့ သွားရောက်ကာ အလှူငွေကျပ် ၂၀၀၀၀ဝ နှင့် ​သောက်ရေသန့်ကတ်များကို ပေးအပ်လှူဒါန်းခဲ့ပြီး ကျောင်းအုပ် ဆရာမကြီးနှင့် တာဝန်ရှိသူများက အလှူငွေနှင့် ပစ္စည်းများကို လက်ခံရယူခဲ့၍ အလှူရှင်များ အားလုံးကို ကျောင်းသား/ကျောင်းသူများကိုယ်စား ကျေးဇူးတင်စကား ပြန်လည်ပြောကြားကာ ဂုဏ်ပြုမှတ်တမ်းလွှာ ပြန်လည်ပေးအပ်ခဲ့ကြောင်း သိရသည်။

အလင်းသစ် (ချမ်း/စည် ပြန်/ဆက်)

မန္တလေးတိုင်းဒေသကြီး