30 Jun,2026

ချမ်းမြသာစည်  ဇွန်  ၃၀

မန္တလေးတိုင်းဒေသကြီး၊ ပြည်တွင်းအခွန်ဦးစီးဌာန ချမ်းမြသာစည်မြို့နယ် အခွန်ဦးစီးဌာနမှူးရုံး ကို ၂၀၂၆-၂၀၂၇ ဘဏ္ဍာရေးနှစ်အတွက် သမဝါယမအသင်းများ၏ ဝင်ငွေကြေညာလွှာပေးအပ်ပွဲ အခမ်းအနားကို မြို့နယ်အခွန်ဦးစီးဌာနမှူးရုံး၌ ကျင်းပသည်။

ဦးစွာ မြို့နယ်​အခွန်ဦးစီးဌာနမှူး လက်ထောက်ညွှန်ကြားရေးမှူး ဒေါ်သက်ချိုဦးက အမှာစကား ပြောကြားပြီး ဦးစီးအရာရှိ ဦးကျော်အေးလှိုင်က အခွန်ဆိုင်ရာသိကောင်းစရာများနှင့် ဝင်ငွေခွန် ကြေညာလွှာအကြောင်းတို့ကို ရှင်းလင်းဆွေးနွေးပြီး မြို့နယ်သမဝါယမဦးစီးမှူး၊ မြို့နယ် သမဝါယမအသင်းစုဥက္ကဋ္ဌ၊ အတွင်းရေးမှူးနှင့် တာဝန်ရှိသူများက သိရှိလိုသည်များမေးမြန်း​ကြရာ မြို့နယ်အခွန်ဦးစီးဌာနမှူးက ပြန်လည်ရှင်းလင်းဆွေးနွေးပေးခဲ့ပြီး မြို့နယ်သမဝါယမအသင်းစုနှင့် အခြေခံသမဝါယမအသင်းစု ၂၅ စုတို့၏ ဝင်ငွေကြေလွှာများကို မြို့နယ်သမဝါယမဦးစီးမှူး ဒေါ်ဖြူသွယ်နွယ်က မြို့နယ်အခွန်ဦးစီးဌာနမှူးထံ ပေးအပ်သည်။

အဆိုပါအခမ်းအနားသို့ မြို့နယ်အခွန်ဦးစီးဌာနမှူး လက်ထောက်ညွှန်ကြားရေးမှူး ဒေါ်သက်ချိုဦး၊ မြို့နယ်သမဝါယမဦးစီးမှူး ဒေါ်ဖြူသွယ်နွယ်၊ မြို့နယ်သမဝါယမအသင်းစုဥက္ကဋ္ဌနှင့် အတွင်းရေးမှူး၊ အသင်းစုတာဝန်ရှိသူများ တက်ရောက်ခဲ့ကြောင်း သိရသည်။

အလင်းသစ်

မန္တလေးတိုင်းဒေသကြီး