02 Jul,2026

မအူပင် ဇူလိုင် ၂

ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့၌ (၁၀၄)ကြိမ်မြောက် အပြည်ပြည်ဆိုင်ရာ သမဝါယမနေ့ကို ကြိုဆိုဂုဏ်ပြုသောအားဖြင့် မြို့နယ်သမဝါယမဦးစီးမှူးနှင့် ဝန်ထမ်းများမှ မအူပင် ဘိုးဘွားရိပ်သာရှိ သက်ကြီးဘိုးဘွားများအား ကျန်းမာရေးစောင့်ရှောက်ပေးခြင်း၊ စုပေါင်းသန့်ရှင်းရေး ဆောင်ရွက်ခြင်းနှင့် ဆေးပဒေသာပင်စိုက်ထူခြင်းအား ဆောင်ရွက်သည်။

အဆိုပါ ဆောင်ရွက်ခြင်းအား မအူပင်မြို့နယ်သမဝါယမဦးစီးဌာန၊ မြို့နယ်ဦးစီးမှူး ဦးသန့်စင်၏ဦးဆောင်မှုဖြင့် သမဝါယမဝန်ထမ်းများစုပေါင်း၍ ဘိုးဘွားရိပ်သာဝန်းအတွင်းစုပေါင်း၍ တံမြက်စည်းလှည်းခြင်း၊ သက်ကြီးဘိုးဘွားများအား တစ်ကိုယ်ရည်သန့်ရှင်းရေးဆောင်ရွက်ပေးခြင်း များဆောင်ရွက်ခဲ့ပြီး ဘိုးဘွားများအတွက် ဆေးပဒေသာပင်စိုက်ထူခဲ့ရာ ဘိုးဘွားရိပ်သာဥက္ကဋ္ဌ ဦးစိုးဝင်းမှလက်ခံရယူခဲ့ပြီး မှတ်တမ်းတင်ဂုဏ်ပြုလွှာပြန်လည်ပေးအပ်ခဲ့ကြောင်း သိရသည်။

အောင်မြင့်မြတ်(ပြန်/ဆက်)

ဧရာဝတီတိုင်းဒေသကြီး