02 Jul,2026

လသာ ဇူလိုင် ၂

ရန်ကုန်တိုင်းဒေသကြီး၊ လသာမြို့နယ်၌ (၁၀၄)ကြိမ်မြောက် အပြည်ပြည်ဆိုင်ရာသမဝါယမနေ့ အကြို အခြေခံပညာအထက်တန်း၊ အလယ်တန်း၊ မူလတန်းအဆင့် စာစီစာကုံး၊ ကဗျာ၊ ပန်းချီပြိုင်ပွဲ ဆုချီးမြှင့်ပွဲအခမ်းအနားကို အမှတ်(၁)အခြေခံပညာ အထက်တန်းကျောင်း ဗဟိုစံပြခန်းမ၌ ကျင်းပ ခဲ့ကြောင်း သိရသည်။

ဦးစွာ ရန်ကုန်တိုင်းဒေသကြီး တိုင်းဒေသကြီးလွှတ်တော်ကိုယ်စားလှယ် ဦးနေဝင်းက အမှာစကား ပြောကြားပြီး တိုင်းဒေသကြီးသမဝါယမဦးစီးဌာန ဒုတိယတိုင်းဒေသကြီးဦးစီးမှူး ဒေါ်အေသူမြင့်က ‌သမဝါယမကဏ္ဍ မြို့နယ်များတွင် သမဝါယမလှုပ်ရှားမှုဆိုင်ရာများ၊ တိုင်းဒေသကြီး အတွင်း လှုပ်ရှားမှုဆိုင်ရာများနှင့် ကဏ္ဍအလိုက်သမဝါယမ ဖွံ့ဖြိုးတိုးတက်‌ရေးဆိုင်ရာများကို ရှင်းလင်းဆွေးနွေးပြောကြားသည်။

ဆက်လက်၍ (၁၀၄) ကြိမ်မြောက် အပြည်ပြည်ဆိုင်ရာသမဝါယမနေ့အကြို အခြေခံပညာ အထက်တန်းဆင့်၊ အလယ်တန်းဆင့်၊ မူလတန်းဆင့် စာစီစာကုံး၊ ကဗျာ၊ ပန်းချီပြိုင်ပွဲများတွင် ဆုရရှိသူများအား တာဝန်ရှိသူများက ဂုဏ်ပြုဆုများ အသီးသီးပေးအပ်ချီးမြှင့်ခဲ့ကြောင်း သိရသည်။

နေလင်း(ပြန်/ဆက်)

ရန်ကုန်တိုင်းဒေသကြီး