02 Jul,2026

မြိတ်မြို့နယ်၌ ဆိုင်ကယ်ပြင်သင်တန်းဖွင့်ပွဲကျင်းပပြုလုပ်

‎************************************************************************

‎မြိတ်         ဇူလိုင်          ၂

‎‎တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့နယ် ကျေးလက်ဒေသဖွံ့ဖြိုးတိုးးတက်ရေးဦးစီးဌာနက ကျေးလက်နေလူငယ်များ အလုပ်အကိုင်ရရှိစေရန်အတွက် အသက်မွေးဝမ်းကျောင်းအထောက်အကူပြု ဆိုင်ကယ်ပြင်သင်တန်း ဖွင့်ပွဲကို ဇူလိုင် ၁ ရက်နေ့ က မြိတ်ခရိုင် ကျေးလက်ဒေသဖွံ့ဖြိုးတိုး တက်ရေးဦးစီးဌာနရုံးအစည်းအဝေးခန်းမ၌ ကျင်းပပြုလုပ်ခဲ့ကြောင်း သိရသည်။

‎‎ရှေးဦးစွာ မြိတ်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်ခင်အေးက သင်တန်းဖွင့်လှစ်ရခြင်း၏ ရည်ရွယ်ချက်၊ အကျိုးကျေးဇူးများနှင့် သင်တန်းသားများအနေဖြင့် သင်တန်းကာလအတွင်း စိတ်ပါဝင်စားစွာ လက်တွေ့အသုံးချနိုင်သည်အထိ သင်ယူကြစေလိုကြောင်း သင်တန်းအဖွင့်အမှာစကား ပြောကြားသည်။

‎‎ဆက်လက်၍ သင်တန်းနည်းပြဆရာက သင်တန်းတွင် သင်ကြားပို့ချမည့် ဘာသာရပ်များနှင့် သင်တန်းသားများ လိုက်နာရန် စည်းကမ်းများကို ရှင်းလင်းပြောကြားသည်။

‎‎ထို့နောက် မြိတ်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်ခင်အေးက တက်ရောက်လာကြသော သင်တန်းသား ၁၅ ဦးအား သင်ထောက်ကူပစ္စည်းများကို ပေးအပ်ခဲ့ကြောင်း သိရသည်။

‎‎အဆိုပါသင်တန်းကို ဇူလိုင် ၁ ရက်နေ့မှ ၃၀ ရက်နေ့ထိ သင်တန်းကာလ တစ်လကြာ ဆိုင်ကယ်ပြုပြင်ခြင်းဆိုင်ရာ အသက်မွေးဝမ်းကျောင်းပညာများကို စာတွေ့လက်တွေ့ဖြင့် အခမဲ့ သင်ကြားပို့ချသွားမည်ဖြစ်ပြီး မြိတ်မြို့နယ်အတွင်းရှိကျေးရွာများမှ သင်တန်းသား ၁၅ ဦး တက်ရောက် သင်ယူလျက်ရှိကြောင်း မြိတ်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။