02 Jul,2026

ကြို့ပင်ကောက် ဇူလိုင် ၁

ပဲခူးတိုင်းဒေသကြီး သာယာဝတီခရိုင်၊ ကြို့ပင်ကောက်မြို့နယ် ရွာသာကုန်းကျေးရွာတွင် (၁၀၄) နှစ်မြောက် အပြည်ပြည်ဆိုင်ရာသမဝါယမနေ့ကို ကြိုဆိုဂုဏ်ပြုသောအားဖြင့် မိုးစပါး တစ်ဧက ပန်းတိုင်တင်း (၁၀၀) ကျော် ထွက်ရှိရေးအတွက် ပင်ပွားချိန်၌ စုပေါင်း ဓာတ်မြေဩဇာကြဲပက်ပွဲကို ဆောင်ရွက်ခဲ့သည်။

ကျွန်းကုန်းကြီးကျေးရွာအုပ်စု ရွာသာကုန်းစိုက်ထွေအသင်းတွင် အသင်းသားတောင်သူ ၂၅ ဦး ၏ ဆာဖိုးသာစပါးမျိုးနှင့် ဗီယက်နန်စပါးမျိုး ဧက ၂၀၇ ဧကကို နိုင်ငံ့စီးပွားမြှင့်တင်ရေးရန်ပုံငွေဖြင့် အသင်းသားတောင်သူများက စုပေါင်းစိုက်ပျိုးထားကြောင်း စနစ်ကျသော စိုက်ပျိုးရေးဖြစ်စေရေးနှင့် ပန်းတိုင်အထွက်နှုန်းပြည့်မီစေရေးအတွက် ကွင်းဆင်းကြီးကြပ် ဆောင်ရွက်လျက်ရှိကြောင်း မြို့နယ် သမဝါယမဦးစီးဌာန ဦးစီးအရာရှိ ဒေါ်အေးသန်းဌေးက ပြောကြားသည်။

အဆိုပါဓာတ်မြေဩဇာကြဲပက်ပွဲသို့ မြို့နယ်သမဝါယမဦးစီးဌာန ဦးစီးအရာရှိနှင့် ဝန်ထမ်းများ၊ မြို့နယ်အသင်းစုမှ တာဝန်ရှိသူများ၊ အသင်းသားတောင်သူများ တက်ရောက်ကြည့်ရှုအားပေးခဲ့ကြ ကြောင်း သိရသည်။

ဇေယျာထွန်း (ကြို့ပင်ကောက်)

ပဲခူးတိုင်းဒေသကြီး