02 Jul,2026

အိမ်မဲ ဇူလိုင် ၁

ဧရာဝတီတိုင်းဒေသကြီး၊ မြောင်းမြခရိုင်၊ အိမ်မဲမြို့နယ် အ-ထ-က(၂) ပညာ့ဗိမာန်ခန်းမတွင် ငွေလဝန်းဂျီးအီးစီ(ပညာရေး)သမဝါယမအသင်းလီမိတက်၏ ၂ဝ၂၅-၂ဝ၂၆ ဘဏ္ဍာရေးနှစ် နှစ်ပတ်လည် အရပ်ရပ်ဆိုင်ရာ အစည်းအဝေးကို ကျင်းပသည်။

အခမ်းအနားတွင် မြို့နယ်သမဝါယမဦးစီးဌာန ဦးစီးအရာရှိ ဦးအောင်မင်းသိန်းက အမှာစကား ပြောကြားပြီး ငွေလဝန်းဂျီးအီးစီ(ပညာရေး)ငွေစု/ငွေချေးသမဝါယမအသင်းလီမိတက်၏ ဒါရိုက်တာ အဖွဲ့ လုပ်ငန်းအစီရင်ခံစာ၊ အသင်းစာရင်းစစ်အစီရင်ခံစာ၊ ဘဏ္ဍာရေးရှင်းတမ်းတို့အား တာဝန်ရှိသူ များက ဖတ်ကြားပေးခဲ့သည်။

ထို့နောက်တက်ရောက်လာသည့် အသင်းဝင်ကိုယ်စားလှယ်များက အကြံပြုဆွေးနွေးကြပြီး ဒါရိုက်တာအဖွဲ့အစီရင်ခံစာ၊ အသင်းစာရင်းစစ်အစီရင်ခံစာ၊ ဘဏ္ဍာရေးရှင်းတမ်းများကို အတည်ပြု ချက်ရယူကာ သဘာပတိက နိဂုံးချုပ်အမှာစကား ပြောကြားပြီး ငွေလဝန်းဂျီအီးစီ(ပညာရေး)ငွေစု/ ငွေချေးသမဝါယမအသင်းသားများအား အဆိုပါအသင်းလီမိတက်မှ အသင်းသားပြန်အမ်းငွေအဖြစ် အသင်းသား (၁)ဦးလျှင် (၅၀၀၀)ကျပ်နှုန်းဖြင့် အသင်းသား (၁၇၃၆)ဦးအတွက် (၈၆၈၀၀၀၀)ကျပ် အား ပြန်လည်ပေးအပ်ခဲ့ကြောင်း သိရသည်။

ချစ်သက်လယ်(ပြန်/ဆက်)

ဧရာဝတီတိုင်းဒေသကြီး