06 Jul,2026

မိုးညို ဇူလိုင် ၆

ပဲခူးတိုင်းဒေသကြီး၊ သာယာဝတီခရိုင်၊ မိုးညိုမြို့နယ်သမဝါယမဦးစီးဌာနရုံး၌ (၁၀၄) ကြိမ်မြောက် အပြည်ပြည်ဆိုင်ရာသမဝါယမနေ့ အထိမ်းအမှတ် (အကြို) သွင်းအားစုများ ပေးအပ်ပွဲကို အဆိုပါမြို့နယ်တွင် ကျင်းပပြုလုပ်ခဲ့သည်။ ဆက်လက်ပြီး မြို့နယ်စီမံခန့်ခွဲရေးနှင့် အုပ်ချုပ်ရေး ကော်မတီဥက္ကဋ္ဌ ဦးဖုန်းလွင်၊ မြို့နယ်သမဝါယမဦးစီးဌာန ဦးစီးအရာရှိ ဦးထွန်း အောင်ကျော်နှင့် မြို့နယ်သမဝါယမအသင်းစုဥက္ကဋ္ဌ ဦးတင်မြင့်တို့က သမဝါယမကဏ္ဍမှ နိုင်ငံ့ စီးပွားမြှင့်တင်ရေး ရန်ပုံငွေဖြင့် မိုးစပါးစီမံကိန်းဆောင်ရွက်သော အသင်း (၇)သင်း၊ အသင်းသား (၂၇၉)ဦး၊ စိုက်ဧက (၁၈၀၀)အတွက် ငွေကျပ်သန်း ၄၅၀ နှင့်ညီမျှသော သွင်းအားစုများကို အသင်းသားတောင်သူ များသို့ ပေးအပ်ခဲ့ကြောင်း သိရသည်။

ကိုမင်း (ပြန်/ဆက်)

ပဲခူးတိုင်းဒေသကြီး