*********************************************

ဘားအံ ဇူလိုင် ၇  

       သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ ကရင်ပြည်နယ်၊ ဘားအံခရိုင်၊ ဘားအံမြို့နယ် ကျိုက်ကေလာသကုန်ထုတ်လမ်းဘေးဝဲ/ယာ၌ ကမ္ဘာ့ကျေးလက်ဖွံ့ဖြိုးရေးနေ့ အထိမ်းအမှတ်အဖြစ် မိုးရာသီသစ်ပင်စိုက်ပျိုးခြင်းကို ဇူလိုင် ၆ရက် နံနက်ပိုင်းက ဘားအံခရိုင်နှင့် မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန ဝန်ထမ်းများနှင့် ကျေးရွာသူ၊ ကျေးရွာသားများစုပေါင်းစိုက်ပျိုးခဲ့ကြကြောင်း သိရသည်။

        အဆိုပါ သစ်ပင်စိုက်ပျိုးပွဲတွင် ဘားအံခရိုင် ‌ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဒေါ်သီတာဝင်းစံ၊ မြို့နယ်ဦးစီးမှူး ဦးစောဘကြည်ဦးဆောင်၍ ခရိုင်၊ မြို့နယ်ဝန်ထမ်းများနှင့် ကျေးရွာသူ၊ ကျေးရွာသားများ စုစုပေါင်း အင်အား ၄၅ဦးခန့်က သဘာဝပတ်ဝန်းကျင် စိမ်းလန်းစို‌ပြေစေရန်၊ အရိပ်အာဝါသများ ရရှိစေရန်အတွက် ကျိုက်ကေလာသကုန်ထုတ်လမ်းဘေးဝဲ/ယာတစ်လျှောက်တွင် စိန်ပန်း ၁၅၂ ပင်၊ မဟော်ဂနီ ၁၃၅ပင်၊ မန်ဂျန်ရှား ၁၃၅ပင်၊ စုစုပေါင်း ပျိုးပင် ၄၂၂ပင်ကို သတ်မှတ်နေရာများတွင် စနစ်တကျစုပေါင်းစိုက်ပျိုးခဲ့ကြကြောင်း သိရသည်။

 

ဆက်လူ