ကျောက်တံခါးမြို့နယ်ရှိ ကျေးရွာနှစ်ရွာ၌ မိုးရာသီစုပေါင်းသစ်ပင်စိုက်ပျိုးပွဲကျင်းပပြုလုပ်

=====================================

ကျောက်တံခါး၊ ဇူလိုင်-၇

 

    သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန   ပဲခူးတိုင်းဒေသကြီး၊ညောင်လေးပင်ခရိုင်၊ကျောက် တံခါးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၂၆ ခုနှစ် ဇူလိုင်လ ၆ ရက်နေ့တွင်ကျရောက်သည့် ကမ္ဘာ့ကျေးလက်ဖွံ့ဖြိုးရေးနေ့ကို ဂုဏ်ပြုသောအားဖြင့် ဆယ့်လေးကျေးရွာနှင့် မဂဟီးရားကျေးရွာတို့၌ မိုးရာသီစုပေါင်းသစ်ပင်စိုက် ပျိုးပွဲတော်ကို ဇူလိုင်လ ၆ ရက်နေ့နံနက်ပိုင်းက အဆိုပါကျေးရွာများ၌ ဆောင်ရွက်ကြောင်းသိရသည်။

    ပထမဦးစွာ ကျောက်တံခါးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဒေါ်ပိိုးအိဖြူကိုက စိုက်ပျိုးမည့်သစ်ပင်များကို ကျေးရွာတာဝန်ရှိသူများထံသို့ ပေးအပ်သည်။

    ထို့နောက် ကျောက်တံခါးမြို့နယ်ကျေးလက်ဒေ သဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဒေါ်ပိုးအိဖြူကို ဦးဆောင်သောဝန်ထမ်းများ၊ ဆယ့်လေးကျေးရွာအုပ်ချုပ်ရေးမှူး ဦးဆောင်သောကျေးရွာသူကျေးရွာသားများ၊ မဂဟီးရားကျေးရွာ အုပ်ချုပ်ရေးမှူး ဦးဆောင်သော ကျေးရွာသူကျေး ရွာသားများ၊ စုစုပေါင်းအင်အား ၂၄ ဦးတို့က သဘာဝပတ်ဝန်းကျင်နှင့် ဂေဟစနစ်ထိန်းသိမ်းနိုင်စေရန်၊စိမ်းလမ်းစိုပြည်သည့်ပတ်ဝန်းကျင်ကောင်း နှင့် ကောင်းမွန်သည့်ရာသီဥတုကိုလက်ဆင့်ကမ်းနိုင်စေရန်၊ အရိပ်အာဝါသများရရှိစေရန်အတွက် ကြောင်လျှာပင် ၈၀ ၊ မန်ကျည်းပင် ၇၅ ၊ ခရေပင် ၄၀ ၊ မန်ဂျန်ရှားပင် ၅၅ ၊ သရက်ပင် ၄၀ ၊  သီဟိုဋ် ပင် ၁၀ ၊ ပိန္နဲပင် ၁၀ ပင်၊ စုစုပေါင်း ၃၁၀ ပင်ကို ကျေးရွာအဝင်လမ်းနှင့် ကုန်ထုတ်လမ်း‌ဘေးဝဲယာတို့၌ စိုက်ပျိုးပေးခဲ့ကြောင်း ကျောက်တံခါးမြို့ နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဒေါ်ပိုးအိဖြူကိုထံမှ သိရသည်။

ချိုလေး