Ministry of Cooperatives and Rural Development

ပြည်ထောင်စုသမ္မတမြန်မာနိုင်ငံတော်အစိုးရ
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန

ရေနံချောင်းမြို့နယ် ပေတောကျေးရွာ၌ အသက်မွေးဝမ်းကျောင်း အထောက်အကူပြု သဘာဝမြေဩဇာနှင့် EM ဖျော်ရည်ပြုလုပ်နည်းသင်တန်းဖွင့်လှစ်

09 Jul,2026

ရေနံချောင်းမြို့နယ် ပေတောကျေးရွာ၌ အသက်မွေးဝမ်းကျောင်း အထောက်အကူပြု သဘာဝမြေဩဇာနှင့် EM ဖျော်ရည်ပြုလုပ်နည်းသင်တန်းဖွင့်လှစ်

*********************************************

ရေနံချောင်း ဇူလိုင် ၉

သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ မကွေးတိုင်းဒေသကြီး၊ ချောက်ခရိုင်၊ ရေနံ‌ချောင်း မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ဝက်မစွတ်ကျေးရွာအုပ်စု၊ ပေ‌တောကျေးရွာ၌ အသက်မွေးဝမ်းကျောင်း အထောက်အကူပြု သဘာဝ မြေဩဇာနှင့် EM ဖျော်ရည်ပြုလုပ်နည်းသင်တန်းကို ဇူလိုင် ၈ရက် နံနက်ပိုင်းက အဆိုပါ ကျေးရွာ၌ ကျင်းပပြုလုပ်ကြောင်း သိရသည်။

ရှေးဦးစွာ ချောက်ခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဒေါ် မေသက်နိုင်က သင်တန်းဖွင့်အမှာစကား ‌‌ ပြောကြားသည်။

ဆက်လက်၍ ရေနံချောင်းမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးအေးထွန်းမင်းက အသက်မွေးဝမ်းကျောင်း အထောက်အကူပြု သဘာဝမြေဩဇာနှင့် EM ဖျော်ရည်ပြုလုပ်နည်းသင်တန်းဖွင့်လှစ်ရခြင်း၏ ရည်ရွယ်ချက်၊ အကျိုးကျေးဇူးများ၊ သင်တန်းသားများအနေဖြင့် သင်တန်းတွင် သင်ကြားပေးမည့် မြေဩဇာပြုလုပ်နည်း များကို စနစ်တကျလေ့လာသင်ကြားပြီး လက်တွေ့နယ်ပယ်၌ အကျိုးရှိစွာ အသုံးချကြစေလိုကြောင်း ရှင်းလင်း ပြောကြားသည်။

ထို့နောက် စိုက်ပျိုးရေးဦးစီးဌာန မြို့နယ်ဦးစီးမှူး ဦးယဉ်မင်းစိုးက သင်တန်းတွင် ပို့ချမည့် ဘာသာရပ်များနှင့် သင်တန်းစည်းမျဉ်းများကို ရှင်းလင်းပြောကြားပြီး သင်တန်းသား၊သူများအား လက်တွေ့သင်ကြားပို့ချပေးခဲ့သည်။

အဆိုပါသင်တန်းသို့ ခရိုင်/မြို့နယ် ဌာနဆိုင်ရာ တာဝန်ရှိသူများ၊ ရေနံ‌ချောင်းမြို့နယ် ပေတောကျေးရွာနှင့် ကျည်ကြီးကျေးရွာမှ သင်တန်းသား၊သူ ၂၀ဦးတက်ရောက်ကြပြီး ဇူလိုင် ၈ရက်မှ ၁၀ရက်‌‌ နေ့အထိ ၃ရက်ကြာ စာတွေ့လက်တွေ့ သင်ကြားပို့ချပေးလျက်ရှိကြောင်း သိရသည်။