09 Jul,2026

ညောင်ဦး၊ ဇူလိုင် ၉

          သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ညောင်ဦးခရိုင်အသေးစားစက်မှုလက်မှုလုပ်ငန်း ဦးစီးဌာန အနေဖြင့် ၂၀၂၆-၂၀၂၇ ဘဏ္ဍာရေးနှစ်အတွင်း အကောင်အထည်ဖော် ဆောင်ရွက် လျက်ရှိသည့် အသေးစားကုန်ထုတ်လုပ်ငန်းများဖန်တီးပေးနိုင်ရေးနှင့် ကျေးလက်နေမိသားစု ဝင်ငွေ တိုးရေး စီမံကိန်းဖြင့် ဖွင့်လှစ်သော လူသုံးကုန်ထုတ်လုပ်မှုနည်းပညာသင်တန်း ဖွင့်ပွဲအခမ်းအနားကို ယနေ့ နံနက်ပိုင်းက ညောင်ဦးမြို့နယ်အထွေထွေအုပ်ချုပ်ရေးဦးစီး ဌာန၊ အနော်ရထာခန်းမ၌ ကျင်းပ သည်။

          အခမ်းအနားသို့ ညောင်ဦးခရိုင်စီမံအုပ်ချုပ်ရေးအဖွဲ့ ဥက္ကဋ္ဌနှင့် အဖွဲ့ဝင်များ၊ ယွန်းပညာကော လိပ်(ပုဂံ)ကျောင်းအုပ်ကြီး၊ သက်ဆိုင်ရာဌာနများမှ တာဝန်ရှိသူများ၊ ညောင်ဦးခရိုင်အသေးစားစက်မှု လက်မှုလုပ်ငန်းဦးစီးဌာန ခရိုင်ဦးစီးမှူး၊ စီမံကိန်းကော်မတီဝင်များ၊ သင်တန်းနည်းပြများနှင့် သင်တန်း သားများ တက်ရောက်ကြပါသည်။

          အခမ်းအနားတွင် ညောင်ဦးခရိုင်စီမံအုပ်ချုပ်ရေးအဖွဲ့ ဥက္ကဋ္ဌက အဖွင့်အမှာစကားပြောကြားပြီး ညောင်ဦးခရိုင်အသေးစားစက်မှု လက်မှုလုပ်ငန်းဦးစီးဌာန ခရိုင်ဦးစီးမှူးက ဌာန၏ လုပ်ငန်းဆောင် ရွက်ချက်များ၊ ဌာနမှ အကောင်အထည်ဖော် ဆောင်ရွက်လျက်ရှိသည့် စီမံကိန်းများနှင့် လုပ်ငန်းသုံး ပစ္စည်းများ သုံးစွဲခွင့်ပေးမည့် ကိစ္စရပ်များအား ရှင်းလင်းပြောကြားသည်။ ထို့နောက် ညောင်ဦး ခရိုင်စီမံအုပ်ချုပ်ရေးအဖွဲ့ ဥက္ကဋ္ဌက စီမံကိန်းလုပ်ငန်းအား လွှဲပြောင်းပေးအပ်ပြီး ညောင်ဦးခရိုင်စီမံ အုပ်ချုပ်ရေးအဖွဲ့ အဖွဲ့ဝင်များက သင်တန်းသုံး သင်ထောက်ကူပစ္စည်းများနှင့် ကုန်ကြမ်း ပစ္စည်းများအား ပေးအပ်ကြသည်။

          ယင်းနောက်  ညောင်ဦးခရိုင်စီမံအုပ်ချုပ်ရေးအဖွဲ့ ဥက္ကဋ္ဌနှင့် သက်ဆိုင်ရာ တာဝန်ရှိသူများက ခင်းကျင်းပြသထားသော သင်တန်းထောက်ကူပစ္စည်းများ နှင့် ကုန်ကြမ်းပစ္စည်းများအား လိုက်လံ ကြည့်ရှုအားပေးပြီး သင်တန်းသားများအား ရင်းရင်းနှီးနှီးတွေ့ဆုံခဲ့ကြောင်း သတင်းရရှိပါသည်။