14 Jul,2026

တောင်တွင်းကြီးမြို့နယ် ဝါးခြမ်းကာကျေးရွာ၌ ကုန်ထုတ်လမ်းဖောက်လုပ်နေမှုစစ်ဆေး

တောင်တွင်းကြီး၊ဇူလိုင်လ ၁၄

     သမဝါယမနှင့်ကျေးလက်ဖွံ့ဖြိုးရေးဝန်ကြီး ဌာန၊မကွေးတိုင်းဒေသကြီး၊မကွေးခရိုင်၊တောင်တွင်းကြီးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနက ဝါးခြမ်းကာကျေးရွာ အုပ်စု၊ဝါးခြမ်းကာကျေးရွာ၌ ပြည်ထောင်စုခွင့်ပြုရန်ပုံငွေဖြင့်အကောင်အထည်ဖော်ဆောင် ရွက်လျက်ရှိသည့် ကျေးလက်ကုန်ထုတ်လမ်းဖောက်လုပ်နေမှုအခြေအနေများကို ယနေ့နံနက်ပိုင်းက တာဝန်ရှိသူများ ကွင်းဆင်းစစ်ဆေးခဲ့ကြောင်း သိရသည်။
   ထိုသို့ ကွင်းဆင်းစစ်ဆေးရာတွင် တောင်တွင်းကြီးမြို့နယ်ကျေးလက်ဒေသဖွံ့ဖြိုးတိုး တက်ရေးဦးစီးဌာန မြို့နယ်ဦးစီးမှူးဦးထွန်းကျော်ကျော်မျိုးနှင့်အင်ဂျင်နီယာဝန်ထမ်းများက ကျေးရွာလမ်းကော်မတီဝင်များနှင့်အတူ ဝါးခြမ်းကာကျေးရွာအုပ်စု၊ဝါးခြမ်းကာကျေးရွာ၌ ကျေး လက်ကုန်ထုတ်လမ်းဖောက်လုပ်နေမှုအခြေအနေများကို ကြည့်ရှုစစ်ဆေးပြီးမြို့နယ်ဦးစီးမှူး ဦးထွန်းကျော်ကျော်မျိုး က သတ်မှတ်စံချိန်စံညွှန်းနှင့်အညီ အချိန်မီပြီးစီးနိုင်ရေး အလေးထားဆောင်ရွက်ကြစေလိုကြောင်း ဆွေးနွေးမှာကြားခဲ့သည်။
   ဝါးခြမ်းကာကျေးရွာ၌ ကုန်ထုတ်လမ်းအရှည် ၇ဖာလုံ၊အကျယ်၁၂ပေ၊အမြင့်ကျောက်ရောမြေ နှစ်ပေနှင့်မြေနီကျောက်စ ရစ်ကိုးလက်မအတိုင်းအတာရှိ ကုန်ထုတ်လမ်း ဖောက်လုပ်ခြင်းလုပ်ငန်းကိုပြည်ထောင်စုခွင့်ပြုရန်ပုံငွေကျပ် ၁‌၃၄ဒသမ၂၅သန်းဖြင့် မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနရှိအင်ဂျင်နီယာစုဖွဲ့မှုဖြင့်ယခုနှစ်ဇွန်လစတုတ္ထပတ်မှစတင်တာဝန်ယူဆောင်ရွက်ခဲ့ရာ ယခုအခါလုပ်ငန်းများ ၂၀ ရာခိုင်နှုန်းပြီးစီးနေပြီဖြစ်ကြောင်း သိရသည်။
    အဆိုပါ ကျေးလက်ကုန်ထုတ်လမ်းရာနှုန်းပြည့်ပြီးစီးပါက ဝါးခြမ်းကာကျေးရွာရှိ အိမ်ခြေ ၂၀၃၊ လူဦးရေ၅၅၆ဦးတို့၏အကျိုးပြုလယ် ယာ ၃၈၀ဧကတို့မှ ထုတ်ကုန်၊ထွက်ကုန်များ စျေးကွက်သို့  ကုန်ကျစရိတ်သက်သာစွာဖြင့် အချိန်မီ အလွယ်တကူသယ်ယူပို့ဆောင်နိုင်မည်ဖြစ်ကြောင်း တောင်တွင်းကြီးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ  သိရသည်။