မကွေးမြို့နယ်သမန်းတောမြောက်ကျေးရွာ၌ကျေး ရွာရေရရှိရေးလုပ်ငန်းဆောင်ရွက်နေမှုစစ်ဆေး

=====================================

မကွေး၊ ဇူလိုင်-၁၆

 

    သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန မကွေးတိုင်းဒေသကြီး၊ မကွေးခရိုင်၊ မကွေးမြို့ နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မှ ၂၀၂၆-၂၀၂၇ ဘဏ္ဍာရေးနှစ်တွင် သမန်းတော မြောက်ကျေးရွာ၌ တိုင်းဒေသကြီးရန်ပုံငွေဖြင့် ကျေးရွာရေရရှိရေးလုပ်ငန်းဆောင်ရွက်နေမှုအခြေ အနေများကို တာဝန်ရှိသူများမှ ယနေ့နံနက်ပိုင်းအချိန်က ကွင်းဆင်းစစ်ဆေးကြကြောင်းသိရသည်။

    ထိုသို့ကွင်းဆင်းစစ်ဆေးရာတွင် မကွေးခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ခရိုင်ဦးစီးမှူး ဦးကျော်ဆန်းဌေး၊ မကွေးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဦးစိုးလင်းထွဋ်နှင့်ဝန်ထမ်းများမှ ကျေးရွာရေရရှိရေးကော်မတီဝင်များနှင့်အတူ သ မန်းတောမြောက်ကျေးရွာ၌ စက်ရေတွင်းတူးဖော် ခြင်းလုပ်ငန်း၊ စင်မြင့်ရေစင်တည်ဆောက်ခြင်းလုပ်ငန်းနှင့်ဆက်စပ်လုပ်ငန်းများဆောင်ရွက်နေမှု အခြေအနေများကို ကြည့်ရှု့စစ်ဆေးရာ တင်ဒါရ ကုမ္ပဏီမှတာဝန်ရှိသူ တစ်ဦးက လုပ်ငန်းတိုးတက် မှုနှင့် ရှေ့ဆက်လက်‌ဆောင်ရွက်မည့်အခြေအနေ များကိုရှင်းလင်းတင်ပြပြီးနောက် ခရိုင်ဦးစီးမှူးက ကျေးရွာတာဝန်ရှိသူများ၊ ကျေးရွာကော်မတီဝင်များ၊ တင်ဒါရကုမ္ပဏီမှတာဝန်ရှိသူများနှင့်တွေ့ဆုံ ပြီးစံချိန်စံညွှန်းများနှင့်အညီသတ်မှတ်ရက်အတွင်း အချိန်မီပြီးစီးရေးဆောင်းရွက်ကြရန် လမ်းညွှန်မှာ ကြားခဲ့ကြောင်းသိရသည်။

      မကွေးမြို့နယ် သမန်းတောမြောက်ကျေးရွာ၌ အချင်း ၄ ဒသမ ၅ လက်မ၊ အနက် ၅၀၀ ပေရှိသော စက်ရေတွင်းတူးဖော်ခြင်းလုပ်ငန်း၊ ၂၄၀၀ ဂါလံဆံ့စင်မြင့်ရေစင်တည်ဆောက်ခြင်းလုပ်ငန်း၊ ပါဝါမီတာတပ်ဆင်ခြင်း၊ ပါဝါမီတာခန်းတည် ဆောက်ခြင်းလုပ်ငန်းများကို တိုင်းဒေသကြီးရန်ပုံ ငွေကျပ် ၇၆ ဒသမ ၄၀ သန်းအသုံးပြုပြီး Dears Brain ကုမ္ပဏီမှတာဝန်ယူ၍ ဇူလိုင်လ ၂ ရက်နေ့မှ စတင်အကောင်အထည်ဖော်ဆောင်ရွက်ခဲ့ရာ ယခု အခါ ၃၀ ရာနှုန်းဆောင်ရွက်ပြီးစီးနေပြီဖြစ် ကြောင်း၊ အဆိုပါလုပ်ငန်းများအားလုံးရာနှုန်း ပြည့်ဆောင်ရွက်ပြီးစီးပါက သမန်းတောမြောက် ကျေးရွာရှိ ကျေးရွာသူကျေးရွာသားများနှင့် ကျွဲ၊ နွား တိရစ္ဆာန်များပါ သန့်ရှင်းသော သောက်သုံးရေ ကို ဖူလုံစွာရရှိမည်ဖြစ်ကြောင်း မကွေးခရိုင်ကျေး လက်ဒေသဖွံ့ဖြိုးတိုးတက်ရေးဦးစီးဌာနမှ ခရိုင်ဦး စီးမှူး ဦးကျော်ဆန်းဌေးထံမှ သိရသည်။