04 Aug,2026

ရေဖြူမြို့နယ် ဗျိုက်ကျေးရွာ၌ စိမ့်စမ်းရေပိုက်လိုင်းသွယ်တန်းခြင်းလုပ်ငန်းဆောင်ရွက်ရန် ကွင်းဆင်း စစ်ဆေး

‎************************************************************************

‎ရေဖြူ        ဩဂုတ်     ၄

‎‎သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ တနင်္သာရီတိုင်းဒေသကြီး၊ ထားဝယ်ခရိုင်၊ ရေဖြူမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက စဉ်ဆက်မပြတ်ဖွံ့ဖြိုးမှုပန်းတိုင်-၆ (SDG-6)နှင့်အညီ ကျေးလက်နေပြည်သူများ သန့်ရှင်းသောသောက်သုံးရေရရှိစေရေးအတွက် ဗျိုက်ကျေးရွာ၌ စိမ့်စမ်းရေပိုက်လိုင်းသွယ်တန်းခြင်းလုပ်ငန်းဆောင်ရွက်ရန် တာဝန်ရှိသူများက ယနေ့နံနက်ပိုင်းက ကွင်းဆင်းစစ်ဆေးခဲ့ကြောင်း သိရသည်။

‎ထိုသို့ကွင်းဆင်းစစ်ဆေးရာတွင် ရေဖြူမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန ဦးစီးအရာရှိ ဦးမြင့်ဦးအောင်နှင့် တင်ဒါရကုမ္ပဏီမှတာဝန်ရှိသူများက ကျေးရွာသောက်သုံးရေရရှိရေး ကော်မတီဝင်များနှင့် ကျေးရွာသူ ကျေးရွာသားများအား တွေ့ဆုံ၌ ဗျိုက်ကျေးရွာ၌ စိမ့်စမ်းရေပိုက်လိုင်း သွယ်တန်းခြင်းလုပ်ငန်းဆောင်ရွက်မည့်အစီအစဉ်များကို ချပြရှင်းလင်းခြင်းများ ဆောင်ရွက်ခဲ့သည်။

‎‎ထို့နောက် ဦးစီးအရာရှိ ဦးမြင့်ဦးအောင်နှင့် တာဝန်ရှိသူများက ကျေးရွာအတွင်း လက်ရှိရေသုံးစွဲမှု အခြေအနေ၊ ရေအရင်းအမြစ်ရရှိနိုင်မှုအခြေအနေနှင့် စိမ့်စမ်းရေပိုက်လိုင်းသွယ်တန်းမည့် လမ်းကြောင်းအခြေအနေများကို ကွင်းဆင်းကြည့်ရှု စစ်ဆေးခဲ့သည်။

‎‎အဆိုပါကျေးရွာ၌ စိမ့်စမ်းရေပိုက်လိုင်းသွယ်တန်းခြင်းလုပ်ငန်းကို ၂၀၂၆-၂၀၂၇ ဘဏ္ဍာရေးနှစ် တိုင်းဒေသကြီးခွင့်ပြုငွေကျပ် သန်း ၁၁၀ ဖြင့် Nice Generation ကုမ္ပဏီက တာဝန်ယူ၍ အကောင်အထည်ဖော်ဆောင်ရွက်သွားမည်ဖြစ်ကြောင်း၊ အဆိုပါ သောက်သုံးရေရရှိရေးလုပ်ငန်းများ ရာနှုန်းပြည့်ပြီးစီးပါက ကျေးရွာသူ ကျေးရွာသူများအတွက် ရာသီမရွေး သောက်သုံးရေ‌လုံလောက်စွာ ရရှိမည်ဖြစ်ကြောင်း ရေဖြူမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။