04 Aug,2026

မြောက်ဥက္ကလာပ ဩဂုတ် ၄

သမဝါယမနှင့် ကျေးလက်ဖွံ့ဖြိုးရေး၀န်ကြီးဌာန၊ ရန်ကုန်တိုင်းဒေသကြီး၊ မရမ်းကုန်းခရိုင်၊ မြောက်ဥက္ကလာပမြို့နယ်အတွင်းရှိ သမဝါယမအသင်းများမှ အောင်ရတနာရောင်း၀ယ်ရေးသမဝါယမ အသင်းလီမိတက်၏ ၂၀၂၅-၂၀၂၆ ဘဏ္ဍာနှစ်အတွက် နှစ်ပတ်လည်နေ့ အထွေထွေအစည်းအဝေးနှင့် အမှုဆောင်ရွေးချယ်ပွဲကို (င)ရပ်ကွက် ခါတော်မီဓမ္မာရုံ၌ ပြုလုပ်ခဲ့သည်။

ဦးစွာ မြောက်ဥက္ကလာပမြို့နယ်၊ သမဝါယမဦးစီးဌာနမှ ဦးစီးအရာရှိ ဦးချစ်ကိုကိုဦးက အသင်းများအနေဖြင့်  သမဝါယမအသင်းဥပဒေအရ အမှုဆောင် ရွေးချယ်တင်မြောက်ရာတွင် လိုက်နာရမည့် စည်းကမ်းများ၊ လုပ်ထုံးလုပ်နည်းညွှန်ကြားချက်၊ ၀န်ကြီးဌာနနှင့် ဦးစီးဌာနမှ ဆက်လက်အကောင်အထည်ဖော်ဆောင်ရွက်မည့် လုပ်ငန်းစဉ်များကို ရှင်းလင်းပြောကြားခဲ့သည်။

ဆက်လက်၍ အသင်းမှအမှုဆောင်အဖွဲ့ အစီရင်ခံစာနှင့် နှစ်ချုပ်ဘဏ္ဍာရေးရှင်းတမ်းများကို အသင်းတာ၀န်ခံ ဒေါ်စန်းစန်းမွန်က ဖတ်ကြားတင်ပြခဲ့ပြီး  အသင်းသားများ၏ အတည်ပြုချက်များ ရခဲ့သည်။ အဆိုပါအစည်းအဝေးသို့ အသင်းသား ၅၃ ဦးတက်ရောက်ခဲ့ပြီး အစုပေါ်အမြတ်နှင့် အသင်းသား များအား လက်ဆောင်ပစ္စည်းများ ပေးအပ်ခဲ့ကြောင်းသိရသည်။

သက်လွင်စိုး(ပြန်/ဆက်)

ရန်ကုန်တိုင်းဒေသကြီး