10 Aug,2026

ပျဉ်းမနား ဩဂုတ် ၁၀

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန နေပြည်တော်သမဝါယမဦးစီးဌာနမှ ညွှန်ကြားရေးမှူးနှင့် တာဝန်ရှိသူများ၊ ပျဉ်းမနားမြို့နယ်သမဝါယမဦးစီးဌာနမှ ဦးစီးအရာရှိနှင့် တာဝန်ရှိသူများသည် ငကောင်းကံကျေးရွာအုပ်စု ဇောင်ချမ်းကုန်းကျေးရွာရှိတောင်သူများ၊ ဇောင်ချမ်းကုန်းစိုက်ပျိုးရေးနှင့်အထွေထွေစီးပွားရေးလုပ်ငန်းသမဝါယမအသင်းသားတောင်သူများနှင့် ကျေးရွာ KC ခန်းမတွင် ယမန်နေ့က တွေ့ဆုံခဲ့သည်။

တွေ့ဆုံပွဲတွင် ညွှန်ကြားရေးမှူး ဒေါ်ဆုယဉ်မြင့်က ဇောင်ချမ်းကုန်းကျေးရွာရှိ တောင်သူ များ၊ သမဝါယမအသင်းသားတောင်သူများအနေဖြင့် စိုက်ပျိုးရေးလုပ်ငန်းများဆောင်ရွက်ရာတွင် တစ်ဦးချင်း၊ တစ်ယောက်ချင်း စိုက်ပျိုးဆောင်ရွက်ခြင်းမဟုတ်ဘဲ တဆက်တစပ်တည်းရှိ လယ်ယာ မြေများကို သမဝါယမစနစ်ဖြစ်သော စုပေါင်း၍ စနစ်တကျစုပေါင်းစိုက်ပျိုး ဆောင်ရွက်ခြင်း၊ မျိုးတစ်မျိုးတည်းသာ စိုက်ပျိုးခြင်းကြောင့် စိုက်ပျိုးစရိတ်/ရိတ်သိမ်းစရိတ်များ သက်သာမည်ဖြစ် ကြောင်း၊ စုပေါင်းရိတ်သိမ်းရောင်းချခြင်းများဆောင်ရွက်ပါက တောင်သူများအတွက် အကျိုးကျေးဇူး များစွာရှိပါကြောင်း အစရှိသဖြင့် စုပေါင်းဆောင်ရွက်ခြင်း၏ အကျိုးကျေးဇူးများကို ရှင်းလင်း ဆွေးနွေးခဲ့ပြီး တက်ရောက်လာကြသော တောင်သူများမှ သိလိုသည်များကို မေးမြန်းခဲ့ရာ ညွှန်ကြားရေးမှူးမှ ပြန်လည်ဖြေကြားခဲ့ကြောင်း သိရသည်။

သမဝါယမဦးစီးဌာန