13 Aug,2026

‎ထားဝယ်မြို့နယ်၌ မြို့နယ်အဆင့် စီမံကိန်းရေးဆွဲအကောင်အထည်ဖော်ရေး ကော်မတီအစည်းအဝေး ကျင်းပ

‎************************************************************************

‎ထားဝယ်၊ ဩဂုတ် ၁၃

‎တနင်္သာရီတိုင်းဒေသကြီး၊ ထားဝယ်ခရိုင်၊ ထားဝယ်မြို့နယ်၌ ကျေးလက်ဒေသဖွံ့ဖြိုးတိုးတက်ရေး လုပ်ငန်းများအတွက် ဒေသဖွံ့ဖြိုးရေးစီမံကိန်းများ စနစ်တကျရေးဆွဲအကောင်အထည်ဖော် ဆောင်ရွက် နိုင်ရေးအတွက် မြို့နယ်အဆင့် စီမံကိန်းရေးဆွဲအကောင်အထည်ဖော်ရေးကော်မတီအစည်းအဝေးကို ဩဂုတ် ၁၂ ရက် နံနက်ပိုင်းက ထားဝယ်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနရုံး၌ ကျင်းပပြုလုပ်ခဲ့သည်။

‎‎အစည်းအဝေးတွင် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ကျေးလက်ဒေသဖွံ့ဖြိုးတိုးတက် ရေးဦးစီးဌာန၏ ကာလတို၊ ကာလလတ်နှင့် ကာလရှည် ဖွံ့ဖြိုးရေးစီမံကိန်းများကို ကာလအလိုက် အကောင်အထည်ဖော်ဆောင်ရွက်နိုင်ရေးအတွက် ၂၀၂၆-၂၀၂၇ ဘဏ္ဍာရေးနှစ်မှ ၂၀၃၀-၂၀၃၁ ဘဏ္ဍာရေးနှစ်အထိ ပထမ (၅) နှစ်စီမံကိန်း၊ ၂၀၃၁-၂၀၃၂ ဘဏ္ဍာရေးနှစ်မှ ၂၀၃၅-၂၀၃၆ ဘဏ္ဍာရေးနှစ်အထိ ဒုတိယ (၅) နှစ်စီမံကိန်းနှင့် ၂၀၃၆-၂၀၃၇ ဘဏ္ဍာရေးနှစ်မှ ၂၀၄၀-၂၀၄၁ ဘဏ္ဍာရေးနှစ်အထိ တတိယ (၅) နှစ်စီမံကိန်းတို့ကို သက်ဆိုင်ရာဌာနများ နှင့် ပေါင်းစပ်ညှိနှိုင်း၍ ရေးဆွဲခဲ့သည်။

‎‎ထို့အပြင် ဒေသ၏ လိုအပ်ချက်များနှင့် ကိုက်ညီသည့် ဖွံ့ဖြိုးရေးလုပ်ငန်းများကို ဦးစားပေးရွေးချယ် လျာထားနိုင်ရေးနှင့် စီမံကိန်းများ အကျိုးရှိထိရောက်စွာ အကောင်အထည်ဖော်ဆောင်ရွက်နိုင်ရေး အတွက် သက်ဆိုင်ရာကဏ္ဍအလိုက် အကြံပြုဆွေးနွေးမှုများ ပြုလုပ်ခဲ့ပြီး လွှတ်တော်ကိုယ်စားလှယ် ဒေါ်ချိုချိုစန်းက ကုန်ထုတ်လမ်းများ လျာထားရာတွင် လမ်းအကျိုးပြုမည့် အိမ်ခြေ၊ လူဦးရေ၊ တောင်သူဦးရေနှင့် အကျိုးပြုစိုက်ပျိုးဧကများကို ထည့်သွင်းစဉ်းစား၍ လျာထားသင့်ကြောင်း အကြံပြုပြောကြားခဲ့သည်။

‎‎အဆိုပါအစည်းအဝေးသို့ လောင်းလုံးမြို့နယ် မဲဆန္ဒနယ်အမှတ် (၁) မှ ဒေါ်ချိုချိုစန်း၊ သရက်ချောင်း မြို့နယ် မဲဆန္ဒနယ်အမှတ် (၁) မှ ဦးအောင်မျိုးထွန်း၊ ထားဝယ်မြို့နယ် ကျေးလက်ဒေသဖွံ့ဖြိုး တိုးတက်ရေးဦးစီးဌာန မြို့နယ်ဦးစီးမှူးကိုယ်စား ဦးစီးအရာရှိ(နည်းပညာ) ဦးရဲရင့်နိုင်၊ အထွေထွေ အုပ်ချုပ်ရေးဦးစီးဌာန၊ စီမံကိန်းရေးဆွဲရေးဦးစီးဌာန၊ မွေးမြူရေးနှင့်ကုသရေးဦးစီးဌာန၊ ကျေးလက်လမ်း ဖွံ့ဖြိုးရေးဦးစီးဌာနနှင့် သမဝါယမဦးစီးဌာနတို့မှ တာဝန်ရှိသူများ တက်ရောက်ခဲ့ကြောင်း ထားဝယ်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။