ပြည်ထောင်စုသမ္မတမြန်မာနိုင်ငံတော်အစိုးရ
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန
ငဖဲမြို့နယ်တွင် အသက်မွေးဝမ်းကျောင်းအထောက်အကူပြုအုတ်ဘလောက်ရိုက်နည်း သင်တန်းဆင်းပွဲကျင်းပ
20 Aug,2026
ငဖဲမြို့နယ်တွင် အသက်မွေးဝမ်းကျောင်းအထောက်အကူပြုအုတ်ဘလောက်ရိုက်နည်း သင်တန်းဆင်းပွဲကျင်းပ
ငဖဲ ဩဂုတ် ၂၀
သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ မကွေးတိုင်းဒေသကြီး မင်းဘူးခရိုင် ငဖဲမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၂၆-၂၀၂၇ ဘဏ္ဍာရေးနှစ် အသက်မွေးဝမ်းကျောင်း အထောက်အကူပြု အုတ်ဘလောက်ရိုက်နည်းသင်တန်းဆင်းပွဲအခမ်းအနားကို ဩဂုတ် လ ၁၉ ရက်နေ့ နံနက် ၁၀ နာရီက အဆိုပါမြို့နယ်ရုံးခန်းမတွင် ကျင်းပသည်။
ရှေးဦးစွာ ငဖဲမြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဌဦးကျော်စိုးက အဖွင့်အမှာစကား ပြောကြားပြီး မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီအတွင်းရေးမှူးရဲမှူးသန်းဇော်က သင်တန်းသား /သူများအနေဖြင့် အလုပ်အကိုင်အခွင့်အလမ်းများရရှိပြီး လူမှုစီးပွားဘဝဖွံ့ဖြိုးတိုးတက်ရေးအတွက် သင်တန်း မှ သင်ကြားပို့ချမှုများကို စိတ်ပါဝင်စားစွာ စာတွေ့လက်တွေ့လေ့လာမှတ်သားသင်ယူခဲ့ကြပြီး မိသားစုတစ်ပိုင်တစ်နိုင်မှသည် ဝင်ငွေတိုးပွားစေရေးအတွက် စီးပွားဖြစ်အောင်လုပ်ကိုင်ဆောင်ရွက်ကြရန် သင်တန်းဆင်းအမှာစကားပြောကြားသည်။
ဆက်လက်၍ ငဖဲမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန ဦးစီးမှူးဒေါ်ငုဝါရွှေ က သင်တန်း ပြီးဆုံးသည်အထိမပျက်မကွက်တက်ရောက်သင်ကြားကြသော သင်တန်းသား/သူများအား အထူးကျေးဇူးတင်ရှိကြောင်းနှင့် မိသားစုဝင်ငွေတိုးပွားရေး အုတ်လုပ်ငန်းရှင်တစ်ဦးဖြစ်အောင်ကြိုးစား လုပ်ကိုင်ဆောင်ရွက်ကြရန် ဆွေးနွေးပြောကြားပြီး သင်တန်းသား/သူများကိုယ်စား သင်တန်းသူတစ်ဦးက ကျေးဇူးတင်စကားပြန်လည် ပြောကြားသည်။
ထို့နောက် မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဌဦးကျော်စိုး နှင့် တာဝန်ရှိသူများက သင်တန်းထူးချွန်ဆုရရှိသူများအား လုပ်ငန်းသုံးပစ္စည်းများနှင့် သင်တန်းဆင်းဂုဏ်ပြုမှတ်တမ်းလွှာများကို သင်တန်းသား/သူများအား ပေးအပ်သည်။
အဆိုပါသင်တန်းကို ကျေးရွာအုပ်စုများမှ သင်တန်းသား ၂၀ ဦး တက်ရောက်ကြပြီး ကျွမ်းကျင်သူ နည်းပြဆရာက အုတ်ဘလောက်ရိုက်နည်းသင်ခန်းစာများကို ဩဂုတ် ၅ ရက်မှ ၁၉ ရက်နေ့ထိ ရက်သတ္တ နှစ်ပတ်ကြာစာတွေ့၊ လက်တွေ့အခမဲ့သင်ကြားပို့ချပေးခဲ့ကြောင်း သိရသည်။
ဆက်စပ် သတင်းများ
Related News and Articles
ဆက်စပ်လင့်ခ်များ
အရေးပေါ်အခြေအနေမျိုးတွင် ဤနံပါတ်များနှင့် အီးမေးလ်ကို ခေါ်ဆိုပါ။
-
တယ်လီဖုန်း
၀၆၇ - ၄၁၀၀၃၃ -
ဖက်စ်
၀၆၇ - ၄၁၀၀၃၆ -
Email
contact@mcrd.gov.mm
ပြည်ထောင်စုရွေးကောက်ပွဲကော်မရှင်
၂၀၂၀ ပြည့်နှစ် ပါတီစုံဒီမိုကရေစီအထွေထွေရွေးကောက်ပွဲတွင် ဖြစ်ပွားခဲ့သည့်
မဲမသမာမှုနှင့်တရားမဲ့ပြုကျင့်မှုများအပေါ်
စုံစမ်းစစ်ဆေးတွေ့ရှိချက်