20 Aug,2026

အင်္ဂပူ ဩဂုတ် ၁၇

   လေးမျက်နှာမြို့နယ်သို့ ရေဘေးကယ်ဆယ်ရေးယာဉ်များ အဓိကသွားလာနေသည့် အင်္ဂပူမြို့နယ် ပဆင - ဒေါင့်ကြီး - ဘောဇကိုင်းလမ်းနှင့် လေးမျက်နှာမြို့နယ် ခတ္တူ - ဘိသလွန် – ကရင်တော - ကတက်ကုန်း - ရွာသာကုန်းလမ်းများအား ယမန်နေ့နံနက်ပိုင်းတွင် တာဝန်ရှိသူများက ကွင်းဆင်းစစ်ဆေးသည်။

ကြည့်ရှုစစ်ဆေး

   အင်္ဂပူမြို့နယ် ပဆင - ဒေါင့်ကြီး − ဘောဇကိုင်းလမ်းနှင့် လေးမျက်နှာမြို့နယ် ခတ္တူ - ဘိသလွန် – ကရင်တော - ကတက်ကုန်း - ရွာသာကုန်းလမ်းတို့ကို ရေဘေးကယ်ဆယ်ရေးယာဉ်များ သွားလာမှုအဆင်ပြေရေးအတွက် လမ်းပြုပြင်ခြင်းလုပ်ငန်းများဆောင်ရွက်နေမှုကို ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူး(မြို့ပြ) ဦးအောင်ကျော်လူနှင့် ဟင်္သာတခရိုင် လက်ထောက်ညွှန်ကြားရေးမှူး(မြို့ပြ) ဦးဇော်နိုင်ဝင်းတို့က ကြည့်ရှုစစ်ဆေးပြီး လိုအပ်သည်များ လမ်းညွှန် မှာကြားခဲ့ကြောင်း သိရသည်။

မန်းကျော်(ပြန်/ဆက်)