25 Aug,2026

လယ်ဝေး ဩဂုတ် ၂၄

                ကျေးလက်လမ်းဖွံ့ဖြိုးရေးဦးစီးဌာန ဒုတိယညွှန်ကြားမှူးချုပ်(တည်ဆောက်ရေး) ဒေါက်တာထွန်းမြင့်အောင်နှင့် တာဝန်ရှိသူများသည် ဩဂုတ် ၂၂ ရက်က မြို့နယ်အတွင်း ဒေသဖွံ့ဖြိုးရေးလုပ်ငန်းများ ဆောင်ရွက်နေမှုများကို ကွင်းဆင်းကြည့်ရှုစစ်ဆေးသည်။

           ဦးစွာ ဒုတိယညွှန်ကြားမှူးချုပ်သည် လယ်ဝေးမြို့နယ် ကန်သာ- ကျသောင်းတောင် ကျေးရွာချင်းဆက်လမ်းပေါ်တွင် ၂၀၂၆-၂၀၂၇ ဘဏ္ဍာနှစ် နေပြည်တော်ကောင်စီ( ငွေလုံးငွေရင်း) ရန်ပုံငွေဖြင့် ကျေးလက်လမ်းဖွံ့ဖြိုးရေးဦးစီးဌာန တံတားတည်ဆောက်ရေးအဖွဲ့(ရုံးချုပ်)မှ တာဝန်ယူ ဆောင်ရွက်လျက်ရှိသည့် ကန်သာ-ကျသောင်းတောင် ကျေးရွာချင်းဆက်လမ်းပေါ်ရှိ ကျောက်မဆင်ချောင်းကူးတံတား ပေ ၄၀၀ ကွန်ကရစ်တံတား တည်ဆောက်ခြင်းလုပ်ငန်းနှင့် လယ်ဝေးမြို့နယ်အတွင်း ဆောင်ရွက်လျက်ရှိသည့် လမ်းတံတားလုပ်ငန်းများ ဆောင်ရွက်နေမှုကို ကြည့်ရှုစစ်ဆေးကာ လိုအပ်သည်များကို မှာကြားသည်။

မြို့နယ်(ပြန်/ဆက်)