27 Aug,2026

ငါန်းဇွန်  ဩဂုတ် ၂၇

မန္တလေးတိုင်းဒေသကြီး၊ တံတားဦးခရိုင်၊ ငါန်းဇွန်မြို့နယ် ဝန်ထမ်းပေါင်းစုံရွှေပဒေသာ ငွေစုငွေချေး သမဝါယမအသင်းလီမိတက်၏ ၂၀၂၅-၂၀၂၆ ဘဏ္ဍာနှစ်အတွက် အရပ်ရပ်ဆိုင်ရာ အစည်းအဝေးကို မြို့နယ်သမဝါယမဦးစီးဌာနတွင် ကျင်းပသည်။

ဦးစွာ ငါန်းဇွန်မြို့နယ်ဝန်ထမ်းပေါင်းစုံ ရွှေပဒေသာငွေစုငွေချေးသမဝါယမအသင်းလီမိတက်၏ ဥက္ကဋ္ဌအဖြစ် တာဝန်ယူဆောင်ရွက်နေသော မြို့နယ်ကျန်းမာရေးဌာနမှ ဦးကြည်နှင်းနှင့် မြို့နယ်သမဝါယမ ဦးစီးဌာန ဦးစီးအရာရှိ ဦးဝင်းကိုကိုတို့က အမှာစကားပြောကြားခဲ့ကြောင်း သိရသည်။

ဆက်လက်၍  အမှုဆောင်ဒါရိုက်တာအဖွဲ့၏ လုပ်ငန်းအစီရင်ခံစာနှင့် ရှေ့လုပ်ငန်းစဉ်များကို အတွင်းရေးမှူး ဒေါ်လှလှက ဖတ်ကြားတင်ပြီး အသင်းအမှုဆောင်အဖွဲ့တာဝန်ရှိသူတစ်ဦးက ၂၀၂၅-၂၀၂၆ ဘဏ္ဍာရေးနှစ် အရှုံးအမြတ်စာရင်း၊ လက်ကျန်ရှင်းတမ်းများ၊ အမြတ်ခွဲဝေရှင်းတမ်းများ၊ အသင်းဥပဒေ၊ နည်းဥပဒေများ ပြင်ဆင်ဖြည့်စွက်ခြင်းနှင့်ပတ်သက်၍တင်ပြရာ အသင်းသူ၊ အသင်းသားများက အတည်ပြု လက်ခံကြပြီး အမှုဆောင်ဒါရိုက်တာအဖွဲ့ ရွေးချယ်ခြင်းကို ဆက်လက်ဆောင်ရွက်ခဲ့ကြောင်း သိရသည်။

ကိုကိုနိုင်(ပြန်/ဆက်)

မန္တလေးတိုင်းဒေသကြီး