29 Aug,2026

တိုက်ကြီး ဩဂုတ် ၂၉

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ရန်ကုန်တိုင်းဒေသကြီး တိုက်ကြီးမြို့နယ် သမဝါယမဦးစီးဌာနတွင် သမဝါယမစနစ်ကို အခြေခံ၍ စုပေါင်းဆောင်ရွက်သည့် စနစ်ကျသော စိုက်ပျိုးရေးစနစ် ပီပြင်စွာပေါ်ပေါက်လာစေရေးအတွက် တောင်သူများနှင့် တွေ့ဆုံဆွေးနွေးပွဲကို ယနေ့နံနက်ပိုင်းက မြို့နယ်သမဝါယမဦးစီးဌာနရုံးခန်းမ၌ ကျင်းပသည်။

ဦးစွာ အခမ်းအနားသို့တက်​ရောက်လာသည့် ပြည်သူ့လွှတ်​တော်၊ အမျိုးသားလွှတ်​တော်၊ တိုင်းဒေသကြီးလွှတ်တော်ကိုယ်စားလှယ်များနှင့် ခရိုင်စီမံခန့်ခွဲ​ရေး​ကော်မတီဥက္ကဌတို့ တက်​ရောက် အမှာစကားပြောကြားပြီး ရန်ကုန်တိုင်းဒေသကြီးသမဝါယမဦးစီးဌာန တိုင်းဒေသကြီးဦးစီးမှူး ဒေါ်ဥမ္မာမြင့်က သမဝါယမစနစ်ကိုအခြေခံ၍ စုပေါင်းဆောင်ရွက်သည့် စနစ်ကျသောစိုက်ပျိုးရေး လုပ်ငန်း (Cooperative Base Farming Project (CBFP) နှင့် သက်တန့်ရောင်စီမံကိန်း ဆောင်ရွက် နေမှုများ၊ MSME လုပ်ငန်းဖွံ့ဖြိုးတိုးတက်ရေး ဆောင်ရွက်မည့်အစီအစဉ်များအား ရှင်းလင်းဆွေးနွေး ရာ တက်​ရောက်လာသည့်​တောင်သူများမှလည်း သိလိုသည်များ ​မေးမြန်းများခြင်းအ​ပေါ် ပြန်လည်​ဖြေကြားခဲ့သည်။

ထို့နောက် တိုင်းဒေသကြီးဦးစီးမှူး ဒေါ်ဥမ္မာမြင့်နှင့် တာဝန်ရှိသူများက ဘဲကောင်ရေ ၁၂၀၀၀ မွေးမြူထားသည့် ရန်လုံးနိုင်ကျေးရွာရှိ ပိုင်ရှင်ဦးမျိုးနိုင်၏ ဘဲခြံအား ကွင်းဆင်းကြည့်ရှုခဲ့ကြောင်း သိရသည်။