31 Aug,2026

နေပြည်တော် ဩဂုတ် ၃၁

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန သမဝါယမဦးစီးဌာန ဒုတိယညွှန်ကြားရေးမှူးချုပ် ဦးအောင်ပြည့်စိုးသည် ဌာနတာဝန်ရှိသူများ၊ အသင်းတာဝန်ရှိသူများနှင့်အတူ ယမန်နေ့က လယ်ဝေးမြို့နယ် ရှားချောင်းကျေးရွာ ရှားချောင်းစိုက်ပျိုးထုတ်လုပ်ရေးသမဝါယမအသင်း(လီမိတက်) တောင်သူ ၁၀ ဦး၏ မိုးစပါးတစ်ကွင်းတစ်စပ်တည်း ၆၄.၇၂ ဧကတွင် ထိုင်းနှံကောက်မိုးစပါးစိုက်ပျိုး ထားရှိမှုအား ကွင်းဆင်းကြည့်ရှုအားပေးသည်။

ထိုသို့ ကွင်းဆင်းကြည့်ရှုရာတွင် ဒုတိယညွှန်ကြားရေးမှူးချုပ်က ယခုရက်ပိုင်း မိုးရွာသွန်းမှုများ ပြားသဖြင့် လယ်မြေများရေဝင်ကာ စိုက်ပျိုးချိန်အမီ မစိုက်နိုင်သည်ကို တွေ့ရှိရသဖြင့် ပျိုးသက်ရပြီးသော ရက် ၉၀ စပါးမျိုးများအား သတ်မှတ်ရက်အမီ ပျိုးထောင်လက်စိုက်စနစ်ဖြင့် အချိန်မီစိုက်ပျိုးနိုင်ရေး ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။

မြို့နယ် (ပြန်/ဆက်)

နေပြည်တော်ကောင်စီနယ်မြေ