30 Aug,2026

မော်လမြိုင် ဩဂုတ် ၃၀

 မွန်ပြည်နယ် မော်လမြိုင်မြို့နယ် ရာမညမြေအထွေထွေစီးပွားရေးသမဝါယမအသင်းလီမိတက် ၏ ၂၀၂၅-၂၀၂၆ ဘဏ္ဍာနှစ် နှစ်ပတ်လည်အရပ်ရပ်ဆိုင်ရာအစည်းအဝေးကို ပြည်နယ်သမဝါယမ ဦးစီးဌာန အစည်းဝေးခန်းမ၌ ဩဂုတ် ၂၅ ရက်က ကျင်းပခဲ့သည်။

 ဦးစွာ အသင်းဥက္ကဌက သဘာပတိအဖြစ်ဆောင်ရွက်ပြီး အသင်း၏လုပ်ငန်းဆောင်ရွက်ချက် များကို ရှင်းလင်းဆွေးနွေးကာ ၂၀၂၅-၂၀၂၆ ဘဏ္ဍာနှစ်၏ အမှုဆောင်အဖွဲ့ အစီရင်ခံစာနှင့် ဘဏ္ဍာရေးရှင်းတမ်းများကို အမှုဆောင်အဖွဲ့ဝင်များက ဖတ်ကြားရှင်းလင်း၍ အသင်းသားများထံမှ အတည်ပြုချက်ရယူခဲ့သည်။

 ဆက်လက်၍ လစ်လပ်အမှုဆောင်တစ်ဦးကို အသင်းသားများထံမှ အတည်ပြုချက် ရယူပြီး အစားထိုး ရွေးချယ်တင်မြှောက်ခဲ့သည်။ ၎င်းနောက်အသင်းအမှုဆောင်များက အသင်းသား တစ်ဦးချင်းစီသို့ ဆီနှင့်ကြက်ဥများ ထောက်ပံ့ပေးအပ်ပြီး အစုပေါ်အမြတ်နှင့် စုဆောင်းပေါ် အတိုးများအား ခွဲဝေပေးခဲ့ကြောင်း သိရသည်။