31 Aug,2026

ညောင်ဦး ဩဂုတ် ၃၁

မန္တလေးတိုင်းဒေသကြီး ညောင်ဦးမြို့နယ်၌ သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန အောက်ရှိ ဌာန ၄ ခုမှ မြို့နယ်အဆင့်စီမံကိန်းရေးဆွဲရေး ကော်မတီဝင်များသည် လွတ်တော် ကိုယ်စားလှယ်များနှင့် အစည်းအဝေးပွဲကို ညောင်ဦးခရိုင်ကျေးလက်ဒေသဖွံ့ဖြိုးတိုးတက်ရေးရုံး အစည်းအဝေးခန်းမ၌ ဩဂုတ် ၁၄ ရက်က ကျင်းပပြုလုပ်သည်။

အစည်းအဝေးတွင်   သမဝါယမနှင့်ကျေးလက်ဖွံ့ဖြိုးရေးဝန်ကြီးဌာနအောက်ရှိဌာန    ၄    ခုမှ လက်ရှိလုပ်ငန်းဆောင်ရွက်နေမှုများနှင့် စီမံကိန်းရေးဆွဲထားရှိမှုများ ဆွေးနွေးတင်ပြကြရာ သမဝါယမ ဦးစီးဌာန ဦးစီးအရာရှိ ဦးအောင်ဖြိုးဝေက သမဝါယမလုပ်ငန်းများ ထိရောက်အကောင်အထည်ဖော်ရေး မဟာဗျူဟာများ၊ သမဝါယမစနစ်ကိုအခြေခံ၍ စုပေါင်းဆောင်ရွက်သည့် စနစ်ကျသော စိုက်ပျိုးရေး စနစ် (CBFP) စီမံကိန်းဆောင်ရွက်မည့်စနစ်၊ သက်တန့်ရောင်စီမံကိန်းများနှင့် လက်ရှိမြို့နယ်အတွင်း  ဆောင်ရွက်နေမှုများအား ရှင်းလင်းဆွေးနွေးခဲ့သည်။ 

ထို့နောက် ပြည်သူ့လွှတ်တော်ကိုယ်စားလှယ် ဦးသိန်းပိုနှင့် အမျိုးသားလွှတ်တော်ကိုယ်စားလှယ် ဦးမြင့်ဦးတို့မှ စီမံကိန်းလုပ်ငန်းများနှင့်ပတ်သက်၍ ဖြည့်စွက်ဆွေးနွေးခဲ့ကြောင်း သိရသည်။