01 Sep,2026

မိုင်းဆတ် စက်တင်ဘာ ၁

ရှမ်းပြည်နယ်(အရှေ့ပိုင်း) မိုင်းဆတ်မြို့နယ် ပညာ‌ရေး (GEC) သမဝါယမအသင်းလိမိတက်၏ ၂၀၂၅-၂၀၂၆ ဘဏ္ဍာရေးနှစ် နှစ်ပတ်လည်အရပ်ရပ်ဆိုင်ရာအစည်းအဝေးနှင့် အမှုဆောင်အသစ် ရွေးချယ် ခြင်းအခမ်းအနားကို  ယမန်နေ့က အခြေခံပညာအထက်တန်းကျောင်းခွဲ (အ.လ.က-၂) တွင် ကျင်းပ သည်။

ဦးစွာ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးအားလွန်၊ မြို့နယ်သမဝါယမဦးစီး ဌာန ဦးစီးအရာရှိ ဒေါ်သူဇာခင်နှင့်အသင်းဥက္ကဋ္ဌ၊ မြို့နယ်ပညာရေးမှူး ဒေါ်ဥမ္မာလွင်တို့က အမှာစကား  ပြောကြားပြီး ဒါရိုက်တာအဖွဲ့၏ ၂၀၂၅-၂၀၂၆ ခုနှစ် ဘဏ္ဍာရေးရှင်းတမ်းကို စာရင်းစစ် ဒေါ်သူဇာဝင်းနှင့် နှစ်ချုပ်အစီရင်ခံစာနှင့် ရှေ့လုပ်ငန်းစဉ်များကို ဒေါ်ဝါဝါဇော်က ဖတ်ကြားကာ သဘာပတိ၏ အတည်ပြု ချက်ရယူသည်။

ထို့နောက် အသင်းသားများ၏ စုဆောင်းငွေအပေါ်အတိုးကို မြို့နယ်စီမံခန့်ခွဲရေးနှင့်အုပ်ချုပ်ရေး ကော်မတီဥက္ကဋ္ဌ ဦးအားလွန်က  ပေးအပ်ရာ တာဝန်ရှိသူတို့က လက်ခံရယူပြီး အမှုဆောင်အသစ်ရွေးချယ် အတည်ပြုခြင်းတို့ကို ဆောင်ရွက်ခဲ့ကြောင်း သိရသည်။

ယဉ်ယဉ်ဝင်း(မိုင်းဆတ်)

ရှမ်းပြည်နယ်