02 Sep,2026

မိုင်းဆတ် စက်တင်ဘာ ၂

မိုင်းဆတ်မြို့၌ ပညာ‌ရေးဌာန (GEC) သမဝါယမအသင်းလီမိတက်၏ ၂၀၂၅-၂၀၂၆ ဘဏ္ဍာနှစ် အတွက် နှစ်ပတ်လည် အရပ်ရပ်ဆိုင်ရာအစည်းအဝေးနှင့် အမှုဆောင်အသစ်ရွေးချယ်ခြင်းကို ဩဂုတ် ၃၁ ရက်က အခြေခံပညာအထက်တန်းကျောင်းခွဲ (အ.လ.က-၂)၌ ကျင်းပရာ ဒါရိုက်တာ အဖွဲ့၏ ၂၀၂၅-၂၀၂၆ ခုနှစ် ဘဏ္ဍာရေးရှင်းတမ်းကို စာရင်းစစ် ဒေါ်သူဇာဝင်းနှင့် နှစ်ချုပ်အစီရင်ခံစာနှင့် ရှေ့လုပ်ငန်းစဉ်များကို ဒေါ်ဝါဝါဇော်က ဖတ်ကြားကာ သဘာပတိ၏ အတည်ပြုချက်ရယူသည်။

ထို့နောက် အသင်းသားများ၏ စုဆောင်းငွေအပေါ်အတိုးကို မြို့နယ်စီမံခန့်ခွဲရေးနှင့်အုပ်ချုပ်ရေး ကော်မတီဥက္ကဋ္ဌ ဦးအားလွန်က  ပေးအပ်ရာ တာဝန်ရှိသူတို့က လက်ခံရယူပြီး အမှုဆောင်အသစ်ရွေးချယ် အတည်ပြုခြင်းတို့ကို ဆောင်ရွက်ခဲ့ကြောင်း သိရသည်။

ယဉ်ယဉ်ဝင်း(မိုင်းဆတ်)

ရှမ်းပြည်နယ်