21 Sep,2026

စဉ့်ကိုင် စက်တင်ဘာ ၁၈

            သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ ကျေးလက်လမ်းဖွံ့ဖြိုးရေးဦးစီးဌာန စဥ့်ကိုင်မြို့နယ်မှ ၂၀၂၆-၂၀၂၇ ဘဏ္ဍာနှစ်အတွင်း တိုင်းဒေသကြီး ငွေလုံး ငွေရင်းရန်ပုံငွေ ၂၅၅ ဒသမ ၃၂၀ သန်းဖြင့် ကင်းလပ် - မြောက်တောကြီး-တအုံ ကျေးရွာချင်းဆက်လမ်း အရှည်ပေ ၁၉၈၀၊ အကျယ် ၁၂ ပေ၊ ဒု ၇ လက်မရှိ ကွန်ကရစ်ခင်းခြင်းလုပ်ငန်း ဆောင်ရွက်နေမှုများအား ယမန်နေ့ မွန်းလွဲပိုင်းက မန္တလေးတိုင်းဒေသကြီး ကျေးလက်လမ်းဖွံ့ဖြိုးရေးဦးစီးဌာနမှ ညွှန်ကြားရေးမှူး(မြို့ပြ) ဦးကျော်ဇေယျာဝင်းနှင့် တာဝန်ရှိသူများက ကွင်းဆင်းကြည့်ရှုစစ်ဆေးပြီး လမ်းရေရှည် ခိုင်ခံ့စေရေးနှင့် ယာဉ်အန္တရာယ် ကင်းရှင်းစေရေးတို့အတွက် လမ်းဘေးဝဲယာရှိ လမ်းပခုံးများကိုလည်း သတ်မှတ်စံချိန်စံညွှန်းများနှင့်အညီ သိပ်သည်းဆကောင်းမွန်စွာရရှိစေရန်အတွက် အထူးဂရုစိုက် ဆောင်ရွက်သွားရန်နှင့် လျာထားလုပ်ငန်းများအား သတ်မှတ်ကာလအတွင်း အချိန်မီပြီးစီးနိုင်ရေး အလေးထားဆောင်ရွက်သွားရန် မှာကြားသည်။

           အဆိုပါ ကင်းလပ်- မြောက်တောကြီး- တအုံ ကျေးရွာချင်းဆက်လမ်းပြီးစီးပါက ဒေသခံပြည်သူများ၊ ကျောင်းသား ကျောင်းသူများ လမ်းပန်းဆက်သွယ်မှု ပိုမိုကောင်းမွန်လာပြီး လူနေမှုဘဝ ပိုမိုမြင့်မားလာမည်ဖြစ်ကြောင်း မြို့နယ်ကျေးလက်လမ်းဖွံ့ဖြိုးရေးဦးစီးဌာနမှ သိရသည်။

ကျော်စွာ(စဉ့်ကိုင်)