21 Sep,2026

ကျောက်ဆည် စက်တင်ဘာ ၂၀

       မန္တလေးတိုင်းဒေသကြီး ကျောက်ဆည်မြို့နယ်၌ ၂၀၂၆-၂၀၂၇ ဘဏ္ဍာနှစ် ပြည်ထောင်စု(ငွေလုံးငွေရင်း) ရန်ပုံငွေကျပ် ၁၁၉ ဒသမ ၅၁ သန်း ဖြင့် ဆောင်ရွက်လျက်ရှိသော ကျောက်ဆည် - တံတားဦးလမ်း မှ ညောင်ရွှေ-ကြက်လျှာလမ်း ကတ္တရာလမ်းခင်းခြင်း လုပ်ငန်းဆောင်ရွက်နေမှုများကို စက်တင် ဘာ ၂၀ ရက်က ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်) ဒုတိယညွှန်ကြားရေးမှူးချုပ်(စီမံရေး) ဦးရဲခေါင်ထွန်း ကွင်းဆင်းစစ်ဆေးပြီး အရည်အသွေးပြည့်မီစေရန်နှင့် သတ်မှတ်ကာလအတွင်း ပြီးစီးနိုင်ရေး မှာကြားခဲ့သည်။ အဆိုပါလမ်းပြီးစီးပါက ကျေးရွာသုံးရွာ၏ ပညာရေး၊ ကျန်းမာရေးနှင့် ကျေးလက် ထုတ်ကုန်များ ဈေးကွက်သို့တင်ပို့ ရောင်းချရာတွင် များစွာအကျိုးပြု မည်ဖြစ်ကြောင်း သိရသည်။

သက်မောင်(ကျောက်ဆည်)