21 Sep,2026

မိတ္ထီလာ စက်တင်ဘာ ၂၀

     မန္တလေးတိုင်းဒေသကြီး မိတ္ထီလာမြို့နယ်၌ ၂၀၂၆-၂၀၂၇ ဘဏ္ဍာနှစ်တွင် တိုင်းဒေသကြီး ငွေလုံးငွေရင်းရန်ပုံငွေဖြင့် ဆောင်ရွက်လျက်ရှိသော မန္တလေးလမ်းမှ ရိုးကန်-ကန်သာ (၂၄ပေအကျယ်) ကတ္တရာလမ်းချဲ့ခြင်း လုပ်ငန်းနှင့် ပြည်သာယာ-မကျီးစု-ကန်နီ-သံကြိုးရလမ်း ကတ္တရာလမ်းခင်းခြင်းလုပ်ငန်းဆောင်ရွက်နေမှုတို့ကို ကျေးလက်လမ်းဖွံ့ဖြိုးရေး ဦးစီးဌာန(ရုံးချုပ်)မှ ဒုတိယညွှန်ကြားရေးမှူးချုပ်(စီမံရေး)က ကွင်းဆင်းစစ်ဆေးပြီး လုပ်ငန်းများ သတ်မှတ်အရည်အသွေးပြည့်မီစွာဖြင့် သတ်မှတ်ကာလအတွင်း ပြီးစီးနိုင်ရေး မှာကြားခဲ့သည်။

      အဆိုပါလမ်းဆောင်ရွက်ပြီးစီးပါက ကျေးရွာ ၁၉ ရွာမှပြည်သူများအား များစွာအကျိုးပြုမည်ဖြစ်ကြောင်း သိရသည်။

သိန်းမြင့်ကျော်(မိတ္ထီလာ)