19 Oct,2026

လေးမျက်နှာ အောက်တိုဘာ ၁၈

           ဧရာဝတီတိုင်းဒေသကြီး လေးမျက်နှာမြို့နယ်၌ ရေကြီးနစ်မြုပ်ခဲ့သော ကျေးလက်လမ်းများအား ကျေးလက်လမ်းဖွံ့ဖြိုးရေးဦးစီးဌာနမှ ပြန်လည်ပြုပြင် ဆောင်ရွက်နေမှုကို ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ အင်ဂျင်နီယာချုပ်(မြို့ပြ)နှင့် တာဝန်ရှိသူများက အောက်တိုဘာ ၁၅ ရက်တွင် ကွင်းဆင်းစစ်ဆေးသည်။

        ထိုသို့စစ်ဆေးရာတွင် လေးမျက်နှာမြို့နယ် ကျေးလက်လမ်းဖွံ့ဖြိုးရေးဦးစီးဌာနမှ တာဝန်ယူပြုပြင်လျက်ရှိသော သုံးဆက်ရွာအဝင်လမ်း၊ ပဆင-ပေါက်ကုန်း လမ်းနှင့် ရှမ်းရွာ-ကျောင်းစု-ရေနောက်လမ်းများ ပြုပြင်နေခြင်းနှင့် ၂၀၂၆-၂၀၂၇ ဘဏ္ဍာနှစ် ပြည်ထောင်စု(ငွေလုံးငွေရင်း) ရန်ပုံငွေဖြင့် ဆောင်ရွက်နေသည့် ခတ္တူ-ခုံကြီး-ခြောက်ဆယ်-ရိုးကြီး လမ်းပေါ်ရှိ မြင်းကျိုးချောင်းတံတား ပေ ၈၀ တည်ဆောက်နေမှုကို ကွင်းဆင်းစစ်ဆေးခဲ့ကြောင်း သိရသည်။

မြို့နယ်(ပြန်/ဆက်)