20 Oct,2026

တိုက်ကြီး အောက်တိုဘာ ၂၀

သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန တိုက်ကြီးမြို့နယ်သမဝါယမဦးစီးဌာန ပွင့်သစ်စစိုက်ပျိုးထုတ်လုပ်ရေးသမဝါယမအသင်းက ကရင်ကျွန်းချောင်းကျေးရွာတွင် စိုက်ပျိုး ထားသည့် မိုးစပါး(ဗျော့ထွန်း) အောင်မြင်ဖြစ်ထွန်းနေမှုအား တာဝန်ရှိသူများ ကွင်းဆင်း စစ်ဆေးသည်။

ဦးစွာ ခရိုင်စိုက်ပျိုးရေးကြီးကြပ်မှုကော်မတီဥက္ကဋ္ဌ ဦးသူအောင်နှင့် ဌာနဆိုင်ရာများက တောင်သူများနှင့် တွေ့ဆုံဆွေးနွေးရာတွင် စိုက်ပျိုးသီးနှံများ အောင်မြင်ဖြစ်ထွန်းရေး၊ မျိုးကောင်း မျိုးသန့်များ ရွေးချယ်စိုက်ပျိုးရေးနှင့် ဆည်ရေကို ခြိုးခြံချွေတာစွာ သုံးစွဲရေးတို့ကို အသိပညာပေး ဆွေးနွေးရာ အသင်းသားတောင်သူများ၏ တင်ပြချက်များကို ဌာနဆိုင်ရာများနှင့် ပေါင်းစပ်ညှိနှိုင်း ဆောင်ရွက်ပေးခဲ့ပြီး ခရိုင်စိုက်ပျိုးရေးကြီးကြပ်မှုကော်မတီဥက္ကဋ္ဌနှင့် ကော်မတီဝင်များ၊ မြို့နယ် စိုက်ပျိုးရေးကြီးကြပ်မှုကော်မတီဥက္ကဋ္ဌနှင့် ကော်မတီဝင်များ၊ မြို့နယ်သမဝါယမဦးစီးဌာန ဦးစီးအရာရှိ ဦးအုန်းထွန်းတို့က မိုးစပါး(ဗျော့ထွန်း) အောင်မြင်ဖြစ်ထွန်းနေမှု အခြေအနေ၊ သမဝါယမပံ့ပိုးချေးငွေများဖြင့် စိုက်ပျိုးရေး၊ မွေးမြူရေးလုပ်ငန်းများ ဆောင်ရွက်ထားရှိမှု အခြေအနေတို့ကို ကြည့်ရှုစစ်ဆေးခဲ့ကြောင်း သိရသည်။

ဝတ်ရည်(ပြန်/ဆက်)

ရန်ကုန်တိုင်းဒေသကြီး