03 Nov,2026

လှိုင်းဘွဲ နိုဝင်ဘာ ၂

ကရင်ပြည်နယ်၊ လှိုင်းဘွဲမြို့နယ်သမဝါယမအသင်းစုလီမီတက်၏ 2025-၂၀၂6 ဘဏ္ဍာရေးနှစ် နှစ်ပတ်လည်အရပ်ရပ်ဆိုင်ရာအစည်းဝေးနှင့်အမှုဆောင်သစ်ရွေးချယ်ပွဲကို အောက်တိုဘာ 30 ရက်နေ့ က လှိုင်းဘွဲမြို့နယ်သမဝါယမဦးစီးဌာန အစည်းအဝေးခန်းမ၌ ကျင်းပခဲ့သည်။

အဆိုပါအစည်းအဝေးတွင် လှိုင်းဘွဲမြို့နယ်သမဝါယမအသင်းစုလီမီတက်၏ အတွင်းရေးမှူးနှင့် ကရင်ပြည်နယ်သမဝါယမဦးစီးဌာန ဒုတိယညွှန်ကြားရေးမှူးတို့က အမှာစကားပြောကြားပြီး 2025-၂၀၂6 ဘဏ္ဍာနှစ်အတွက် အမှုဆောင်ဒါရိုက်တာအဖွဲ့အစီရင်ခံစာ၊ နှစ်ချုပ်ဘဏ္ဍာရေးရှင်းတမ်း၊ အမြတ်ခွဲဝေမှု စာရင်းနှင့် အသင်းစာရင်းစစ်အစီရင်ခံစာများကို ဖတ်ကြားတင်သွင်းပြီး တက်ရောက်လာကြသော အသင်းဝင်များ၏ ဆန္ဒရယူကာ သဘာပတိက အတည်ပြုပေးခဲ့သည်။

ဆက်လက်၍ ပြည်နယ်အဆင့်ဖွဲ့စည်းရေးကော်မတီဥက္ကဋ္ဌက သမဝါယမအသင်းဥပဒေကို ပြင်ဆင် သည့်ဥပဒေပါ ပြဌာန်းချက်များအတိုင်း အမှုဆောင်အဖွဲ့အသစ်နှင့်အသင်းစာရင်းစစ်တို့အား ရွေးချယ် တင်မြှောက်ခဲ့ကြောင်း သိရသည်။