10 Nov,2026

‎မြိတ်မြို့နယ် တောင်ပုလဲကျေးရွာ၌ စားသောက်ကုန်ထုတ်လုပ်မှုနည်းပညာသင်တန်းဖွင့်ပွဲကျင်းပ

‎************************************************************************

‎မြိတ် ၊ နိုဝင်ဘာ ၁၀

‎တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့နယ် ကျေးလက်ဒေသဖွံ့ဖြိုးတိုး တက်ရေးဦးစီးဌာနက ကျေးလက်နေ ပြည်သူများ အလုပ်အကိုင်ရရှိစေရန်အတွက် အသေးစားစက်မှုလက်မှုလုပ်ငန်းဦးစီး ဌာနနှင့်ပူးပေါင်း၍ အသက်မွေးဝမ်းကျောင်းအထောက်အကူပြု စားသောက်ကုန်ထုတ်လုပ်မှုနည်းပညာ သင်တန်းဖွင့်ပွဲကို နိုဝင်ဘာ ၉ ရက်နေ့က တောင်ပုလဲကျေးရွာ ဘုန်းတော်ကြီးကျောင်း၌ ကျင်းပပြု လုပ်ခဲ့ကြောင်း သိရသည်။ 

‎‎ရှေးဦးစွာ မြိတ်ခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဒေါ်တင်တင်စိုးက သင်တန်းဖွင့်အမှာစကားပြောကြားပြီး မြိတ်မြို့နယ်ဦးစီးမှူး ဒေါ်ခင်အေးက သင်တန်းဖွင့်လှစ်ရခြင်း၏ ရည်ရွယ်ချက်၊ အကျိုးကျေးဇူးများနှင့် သင်တန်းသားများအနေဖြင့် သင်တန်းကာလအတွင်း စိတ်ပါ ဝင်စားစွာ လက်တွေ့အသုံးချနိုင်သည်အထိ သင်ယူကြစေလိုကြောင်း ပြောကြားသည်။

‎ဆက်လက်၍ အသေးစားစက်မှုလက်မှုလုပ်ငန်းဦးစီးဌာနမှ သင်တန်းနည်းပြဆရာက သင်တန်းတွင် သင်ကြားပို့ချမည့် ဘာသာရပ်များနှင့် သင်တန်းသား သင်တန်းသူများ လိုက်နာရန် စည်းကမ်းများကို ရှင်းလင်းပြောကြားသည်။

‎‎ထို့နောက် မြိတ်ခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဒေါ်တင်တင်စိုးက တက်ရောက်လာကြသော သင်တန်းသား သင်တန်းသူ ၂၀ ဦးအား သင်ထောက်ကူပစ္စည်းများကို ပေးအပ်သည်။

‎‎အဆိုပါသင်တန်းတွင် ဒေသထွက် သစ်သီးဝလံများဖြင့် ယိုမျိုးစုံပြုလုပ်နည်း၊ ဝိုင်မျိုးစုံပြုလုပ်နည်းများ ကို စာတွေ့လက်တွေ့ဖြင့် သင်တန်းကာလ ၅ ရက်ကြာ အခမဲ့သင်ကြားပို့ချသွားမည်ဖြစ်ပြီး မြိတ်မြို့နယ်အတွင်းရှိ ကျေးရွာများမှ သင်တန်းသား သင်တန်းသူ ၂၀ ဦး တက်ရောက်သင်ယူ လျက်ရှိကြောင်း မြိတ်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။