05 Oct,2023

နေပြည်တော် အောက်တိုဘာ ၅

 သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ အမြဲတမ်းအတွင်းဝန် ဦးခန့်ဇော်နှင့် ညွှန်ကြားရေးမှူးချုပ်များသည် ယနေ့နံနက်ပိုင်းက ပြည်ထောင်စုဝန်ကြီးရုံး၊ အစည်းအဝေးခန်းမ၌ မြန်မာနိုင်ငံဆိုင်ရာ ဗီယက်နမ်နိုင်ငံသံအမတ်ကြီး H.E Mr. Ly Quoc Tuan (လီကွတ်ဝ်သွမ်) နှင့် အဖွဲ့အား လက်ခံတွေ့ဆုံသည်။

ထိုသို့တွေ့ဆုံစဉ် အမြဲတမ်းအတွင်းဝန် ဦးခန့်ဇော်က စိုက်ပျိုးရေး၊ မွေးမြူရေးလုပ်ငန်းများကို သမဝါယမစနစ်ဖြင့် ဆောင်ရွက်နေမှုများ၊ ကျေးလက်အခြေခံအဆောက်အအုံ ဖွံ့ဖြိုးတိုးတက်ရေး အတွက် ကျေးလက်ကုန်ထုတ်လမ်း၊ တံတား၊ ကျေးလက်မီးလင်းရေး၊ ရေရှိရေးလုပ်ငန်း ဆောင်ရွက် နေမှုများ၊ အသေးစား၊ အငယ်စားနှင့် အလတ်စား MSMEs စီးပွားရေးလုပ်ငန်းများ ဖွံ့ဖြိုး တိုးတက်ရေး နည်းပညာနှင့် အရင်းအနှီး ဆောင်ရွက်ပေးနေမှုများအား ရှင်းလင်းဆွေးနွေးသည်။

ထို့နောက် ဗီယက်နမ်နိုင်ငံသံအမတ်ကြီး H.E Mr. Ly Quoc Tuan (လီကွတ်ဝ်သွမ်) က နှစ်နိုင်ငံပူးပေါင်းဆောင်ရွက်နိုင်မည့် အလားအလာကောင်းများကို ရင်းနှီးပွင့်လင်းစွာ ဆွေးနွေးခဲ့ကြ ကြောင်း သတင်းရရှိသည်။