22 Nov,2023

သဲကုန်း နိုဝင်ဘာ ၂၂

          ပဲခူးတိုင်းဒေသကြီး၊ သဲကုန်းမြို့နယ်တွင် နိုင်ငံ့စီးပွားမြှင့်တင်ရေးရန်ပုံငွေဖြင့် ဆင်းသွယ်လတ် မိုးစပါးများ စိုက်ပျိုးထားရှိရာ သီးကုန်းကျေးရွာ ရောင်ခြည်ဦးစိုက်ပျိုးရေးနှင့်အထွေထွေ သမဝါယမအသင်းလီမိတက်မှ အသင်းသား ၅ ဦး၏ စိုက်ဧက ၄၆ ဧက၊ ကရင်ကုန်းကျေးရွာ စိမ်းရောင်စိုစိုက်ပျိုးရေးနှင့်အထွေထွေသမဝါယမအသင်းလီမိတက်မှ အသင်းသား ၇ ဦး၏ စိုက်ဧက ၄၆ ဧကနှင့် ကျောက်စိမ်းရောင်စိုက်ပျိုးရေးနှင့်အထွေထွေသမဝါယမအသင်းလီမိတက်မှ အသင်းသား ၆ ဦး၏ စိုက်ဧက ၃၅ ဧကတို့မှ မိုးစပါးများရိတ်သိမ်းခဲ့ရာ တစ်ဧကလျှင် စပါးတင်း ၈၀ အသီးသီး ထွက်ရှိခဲ့သည်။

          ထို့ပြင် ဆင်းသွယ်လတ်မိုးစပါးစိုက်ပျိုးထားသည့် ကရင်ကုန်းကျေးရွာ ပုလဲမွှေးစိုက်ပျိုးရေး နှင့်အထွေထွေသမဝါယမအသင်းလီမိတက်မှ အသင်းသား ၈ ဦး၏ စိုက်ဧက ၅၅ ဧကကို ရိတ်သိမ်းခဲ့ရာ တစ်ဧကလျှင် ၈၅ တင်း ထွက်ရှိကြောင်းနှင့် အိုင်းကုန်းကျေးရွာ သဇင်ပန်းအထွေထွေ စီးပွားရေးသမဝါယမအသင်းလီမိတက်မှ အသင်းသား ၁၀ ဦး၏ စိုက်ဧက ၅၈ ဧကကို ရိတ်သိမ်း ရာတွင် တစ်ဧကလျှင် စပါး ၈၄ တင်း ထွက်ရှိခဲ့ကြောင်း သိရသည်။