23 Nov,2023

ကန်ကြီးထောင့် နိုဝင်ဘာ ၂၂

     ဧရာဝတီတိုင်းဒေသကြီး ကန်ကြီးထောင့်မြို့နယ် ကျေးလက်လမ်းဖွံ့ဖြိုးရေးဦးစီးဌာန ၂၀၂၃-၂၀၂၄ တိုင်းဒေသကြီး ငွေလုံးငွေရင်းရန်ပုံငွေ ကျပ်သန်း ၁၄၄ ဒသမ ၇၅၀ ဖြင့် Emerald Delta ကုမ္ပဏီမှ ဝါးဒူး- အနောက်စုလမ်း (၀/၃ မိုင်× ၁၂ ပေ × ၇ လက်မ) ကွန်ကရစ်ခင်းခြင်းလုပ်ငန်း ဆောင်ရွက်လျက်ရှိကြောင်း သိရသည်။

    အဆိုပါ ကွန်ကရစ်လမ်း ရေရှည်တည်တံ့ကောင်းမွန်စေရန် အတွက် လုပ်ငန်းဆောင်ရွက်မှုအခြေအနေများကို ယနေ့နံနက်ပိုင်းက ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ ဒုတိယညွှန်ကြားရေးမှူးချုပ်(ထိန်းသိမ်းရေး)ဦးနေဦး၊ ပုသိမ်ခရိုင် ကျေးလက်လမ်းဖွံ့ဖြိုးရေးဦးစီးဌာန လက်ထောက်ညွှန်ကြားရေးမှူး(မြို့ပြ) ဦးကျော်သူမင်းတို့က ကွင်းဆင်းစစ်ဆေး၍ အရည်အသွေးပြည့်မီစွာဖြင့် လုပ်ငန်းအချိန်မီ ပြီးစီးရေးတို့ကို လိုက်လံကြည့်ရှုကာ လိုအပ်သည်များမှာကြားခဲ့သည်။

    အဆိုပါလမ်းဆောင်ရွက်ပြီးစီးပါက ကျေးရွာ ၁၁ ရွာ၊ အိမ်ခြေ ၅၆၄ အိမ်၊ လူဦးရေ ၂၅၀၆ ဦးအား အကျိုးပြုမည်ဖြစ်ကြောင်း သိရသည်။

မြို့နယ်(ပြန်/ဆက်)