08 Jan,2024

ကျိုက်လတ် ဇန်နဝါရီ ၇

            ဧရာဝတီတိုင်းဒေသကြီး ကျိုက်လတ်မြို့နယ်ကျေးလက်လမ်းဖွံ့ဖြိုးရေးဦးစီးဌာနက တာဝန်ယူတည်ဆောက်လျက်ရှိသည့် ပဆင-ဂွေးချောင်းကြီးကျေးရွာအဝင် ကွန်ကရစ်တံတားတည်ဆောက်ခြင်းလုပ်ငန်းအား ယမန်နေ့နံနက်ပိုင်းတွင် ကျေးလက်လမ်းဖွံ့ဖြိုးရေးဦးစီးဌာန(ရုံးချုပ်)မှ စစ်ဆေးရေး အရာရှိချုပ် ဦးရဲခေါင်ထွန်း၊ ဖျာပုံခရိုင် ကျေးလက် လမ်းဖွံ့ဖြိုးရေးဦးစီးဌာန လက်ထောက်ညွှန်ကြားရေးမှူး(မြို့ပြ) ဒေါ်လင်းနှင့် တာဝန်ရှိသူများက ကွင်းဆင်းစစ်ဆေးခဲ့သည်။

တာဝန်ယူတည်ဆောက်

            အဆိုပါ ကွန်ကရစ်တံတား(ပေ ၅၀ x ပေ ၂၀)တည်ဆောက်ခြင်းလုပ်ငန်းအား ၂၀၂၃-၂၀၂၄ ဘဏ္ဍာနှစ် တိုင်းဒေသကြီးငွေလုံးငွေရင်း ရန်ပုံငွေဖြင့် မြို့နယ်ကျေးလက်လမ်းဖွံ့ဖြိုးရေးဦးစီးဌာနက တာဝန်ယူတည်ဆောက်ခြင်းဖြစ်ပြီး ဆောင်ရွက်ပြီးစီးပါက ကျေးရွာအုပ်စု ခြောက်အုပ်စု၊ ကျေးရွာ ၁၃ ရွာရှိ အိမ်ခြေ ၁၂၄၀ နှင့် လူဦးရေ ၅၅၁၅ ဦးကို အကျိုးပြုမည်ဖြစ်ကြောင်း သိရသည်။

၂၀၇