22 Jan,2024

       မကွေးတိုင်းဒေသကြီး မင်းတုန်းမြို့နယ် သော်မော်- မင်းကိုင်း ဆက်သွယ်ရေးလမ်းပေါ်၌ ကျောက်စီ ကမ်းကပ်ခုံနှင့် ၁၈ ပေရှိသည့် သံကူကွန်ကရစ်တံတား တည်ဆောက်ခြင်းလုပ်ငန်းမှာ ယခုအခါ ရာနှုန်းပြည့် ဆောင်ရွက်ပြီးစီးနေပြီဖြစ်ကြောင်း မြို့နယ်ကျေးလက်လမ်းဖွံ့ဖြိုးရေးဦးစီးဌာန တာဝန်ရှိသူတစ်ဦးထံမှ သိရသည်။

    အဆိုပါလုပ်ငန်းကို တိုင်းဒေသကြီးအစိုးရအဖွဲ့မှ ငွေလုံးငွေရင်း ခွင့်ပြုရန်ပုံငွေကျပ် ၃၄ သန်း ဖြင့် မြို့နယ်ကျေးလက်လမ်းဖွံ့ဖြိုးရေးဦးစီးဌာနမှ တာဝန်ယူ ဆောင်ရွက်ခဲ့ခြင်းဖြစ်ပြီး ယခုအခါ ၎င်းကျေးရွာချင်းဆက်တံတား တည်ဆောက်ပြီးစီးပြီဖြစ်၍ ကျေးရွာသုံးရွာမှ ဒေသခံပြည်သူ ၃၆၅ ဦး၏ ပညာရေး၊ ကျန်းမာရေး၊ လူမှုရေး ကိစ္စရပ်များအတွက် အမြန်ဆုံးဆက်သွယ်သွားလာနိုင်ပြီဖြစ်သည့်အပြင် ကျေးလက်ဒေသဆင်းရဲမှု လျှော့ချရေးနှင့် ကျေးလက်နှင့်မြို့ပြကွာဟမှုလျှော့ချနိုင်ရေးကိုပါ အထောက်အကူပြုနိုင်မည်ဖြစ်ကြောင်း သိရသည်။

 နိုင်ထွန်း(မြဝတီ)