19 Feb,2024

ကျောင်းကုန်း ဖေဖော်ဝါရီ ၁၆

          ဧရာဝတီတိုင်းဒေသကြီး ကျောင်းကုန်းမြို့နယ် ဂုန်မင်း-ဇီးချောင် ကွန်ကရစ်လမ်း လုပ်ငန်းဆောင်ရွက်နေမှု အခြေအနေအား ပုသိမ်ခရိုင် ကျေးလက်လမ်းဖွံ့ဖြိုးရေးဦးစီးဌာန လက်ထောက်ညွှန်ကြားရေးမှူးက အရည်အသွေးပြည့်မီစေရေး ယနေ့ကွင်းဆင်းစစ်ဆေးခဲ့သည်။

        ၂၀၂၃-၂၀၂၄ ဘဏ္ဍာနှစ် ပြည်ထောင်စုငွေလုံးငွေရင်းရန်ပုံငွေဖြင့် “အောင်မိုးသန့်”ကုမ္ပဏီက တင်ဒါအောင်မြင်ဆောင်ရွက်မည့် ဂုန်မင်း- ဇီးချောင်လမ်းသည် လမ်းအရှည် သုည မိုင် ၄ ဖာလုံ၊ အကျယ် ၁၂ ပေ၊ ဒု ခုနစ်လက်မဖြင့် ကွန်ကရစ်ခင်းခြင်းလုပ်ငန်းအား ရန်ပုံငွေကျပ် ၁၉၀ ဒသမ ၉၁၀ သန်းဖြင့်ဆောင်ရွက်မည်ဖြစ်ပြီး ကျေးရွာ ၁၁ ရွာ၊ အိမ်ခြေ ၈၆၁ အိမ်၊ လူဦးရေ ၃၁၈၇ ဦးအား အကျိုးပြုသောလမ်းဖြစ်သည်။

         အဆိုပါ ကွန်ကရစ်လမ်းခင်းခြင်းလုပ်ငန်း ဆောင်ရွက်နေမှုအခြေအနေအား ပုသိမ်ခရိုင် ကျေးလက်လမ်းဖွံ့ဖြိုးရေးဦးစီးဌာနမှ လက်ထောက်ညွှန်ကြားရေးမှူး(မြို့ပြ) ဦးကျော်သူမင်းက ကွင်းဆင်းစစ်ဆေး၍ အရည်အသွေးပြည့်မီစွာဖြင့် လုပ်ငန်းအချိန်မီပြီးစီးစေရေး အလေးထားဆောင်ရွက်သွားရန် လမ်းညွှန်မှာကြားခဲ့ကြောင်း သိရသည်။

ဝင်းကြိုင်(ပြန်/ဆက်)