19 Nov,2024

မြစ်ကြီးနား နိုဝင်ဘာ ၁၉

ကချင်ပြည်နယ်၊ မြစ်ကြီးနားမြို့ ဧရာရပ်ကွက်ရှိ ရန်ကြီးအောင်ငွေစုငွေချေးသမဝါယမ အသင်းလီမိတက်၏ ၂၀၂၃-၂၀၂၄ ဘဏ္ဍာနှစ် နှစ်ပတ်လည်အရပ်ရပ်ဆိုင်ရာအစည်းအဝေးနှင့် အမှုဆောင်သစ်ရွေးချယ်တင်မြှောက်ပွဲကို မြစ်ကြီးနားမြို့ ရပ်ကွက်ဓမ္မာရုံ၌ ကျင်းပသည်။

အဆိုပါအစည်းအဝေးတွင် မြို့နယ်သမဝါယမအသင်းဦးစီးဌာန ဦးစီးအရာရှိ ဒေါ်နိုင်နိုင်မော်က သမဝါယမလုပ်ငန်းများဆိုင်ရာနှင့်စပ်လျဉ်း၍ မှာကြားခဲ့ပြီး အသင်းအမှု ဆောင်အဖွဲ့၏အစီရင်ခံစာ၊ ဘဏ္ဍာရေးရှင်းတမ်းများ၊ ရှေ့လုပ်ငန်းစဉ်များအား ဆွေးနွေး အတည်ပြုပြီးနောက် အသင်းသားများအား ချီးမြှင့်ငွေကျပ် ၁၆၆၉၃၂၀၊ အစုပေါ်အမြတ်ငွေကျပ် ၂၂၂၅၇၆၀၊ တက်ရောက်လာသည့် အသင်းသား/သူ ၁၂၅ ဦးအတွက် တစ်ဦးလျှင် ၅၀၀၀ ကျပ်နှုန်းဖြင့် ငွေကျပ် ၆၂၅၀၀၀၊ စုစုပေါင်းငွေကျပ် ၄၅၂၀၀၈၀ တို့အား ပေးအပ်ခဲ့သည်။

ဆက်လက်၍ အသင်းအမှုဆောင်သစ်ရွေးချယ်ခြင်းကို မြို့နယ်ဖွဲ့စည်းရေးကော်မတီ အဖွဲ့က သမဝါယမအသင်းဥပဒေ၊ နည်းဥပဒေနှင့်အညီ အမှုဆောင်အဖွဲ့(၉)ဦးကို ရွေးချယ်ပေး ခဲ့ကြောင်း သိရသည်။