သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန
(ဆ) ကျေးလက်မီးလင်းရေးလုပ်ငန်း
၂၀၂၅-၂၀၂၆ ဘဏ္ဍာနှစ်တွင် တစ်အိမ်သုံးဆိုလာစနစ် ကျေးလက်မီးလင်းရေးလုပ်ငန်းများကို တိုင်းဒေသကြီး/ ပြည်နယ်(၅)ခုရှိ ကျေးရွာ(၃၃၉)ရွာတွင် အကောင်အထည်ဖော်ဆောင်ရွက်ရန် လျာထားပြီး လုပ်ငန်း(၁၀)ခု ဆောင်ရွက်လျက်ရှိရာ အစီရင်ခံသည့်ကာလတွင် စီမံကိန်းတစ်ခုလုံး အပေါ် လုပ်ငန်း ပြီးစီးမှုမှာ (၈၃%) ဖြစ်ပြီး ၂၀၂၅-၂၀၂၆ ဘဏ္ဍာနှစ် လျာထားချက်အပေါ် (၁၀၀%) ဆောင်ရွက်ပြီး ဖြစ်ပါသည်။အသေးစားဓါတ်အားပေးစနစ်လုပ်ငန်းများကို ဧရာဝတီ၊ တနင်္သာရီနှင့် ပဲခူးတိုင်းဒေသကြီး အတွင်းရှိ မြို့နယ်(၉)မြို့နယ်၊ ကျေးရွာ (၁၉) ရွာတွင် အကောင်အထည်ဖော်ဆောင်ရွက်ရန် လျာထားခဲ့ရာ အစီရင်ခံသည့်ကာလတွင် လုပ်ငန်းသစ် များမှာ စီမံကိန်းတစ်ခုလုံး၏ (၃၅%)နှင့် Capacity Extension လုပ်ငန်းများမှာ (၆၅%)၊ စုစုပေါင်းပြီးစီးမှုမှာ လုပ်ငန်းတစ်ခုလုံး၏ (၅၀.၀၈%) ဖြစ်ပြီး ၂၀၂၅-၂၀၂၆ ဘဏ္ဍာနှစ် လျာထားချက်အပေါ် (၁၀၀%) ဆောင်ရွက်ပြီး ဖြစ်ပါသည်။