သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန
(ဍ) ကျေးလက်စီးပွားမြင့်မားရေးရန်ပုံငွေထူထောင်ပေးခြင်းလုပ်ငန်း (Rural Business Fund-RBF) အကောင်အထည်ဖော်ဆောင်ရွက်မှု
စိုက်ပျိုးမွေးမြူ ထုတ်လုပ်သူ များနှင့် အငယ်စား၊ အသေးစားနှင့် အလတ်စားစီးပွားရေး လုပ်ကိုင်သူများအတွက် လိုအပ်သော ငွေကြေးအရင်းအနှီးများရရှိစေရန်၊ အသက်မွေးဝမ်းကျောင်း လုပ်ငန်း များအား အစုအဖွဲ့စနစ်ဆောင်ရွက်ခြင်းဖြင့် ကျေးလက်ကုန်ထုတ်လုပ်ငန်းများ ဖွံ့ဖြိုး လာစေရန်၊ မိသားစုဝင်ငွေတိုးပွားစေရန်၊ အလုပ်အကိုင်အခွင့်အလမ်း ရရှိလာစေ ရန်နှင့် ဒေသထွက် ကုန်အပေါ်အခြေခံသည့် စီးပွားရေးလုပ်ငန်းများ ဖွံ့ဖြိုးတိုးတက် လာစေရန်ရည်ရွယ်၍ ကျေးလက် စီးပွားမြင့်မားရေး ရန်ပုံငွေထူထောင်ပေးခြင်း လုပ်ငန်းကို ကျေးရွာယူနစ် (၁)ယူနစ်လျှင် နိုင်ငံတော် ထောက်ပံ့ရန်ပုံငွေကျပ်သန်း (၃၀) ဖြင့် ဆောင်ရွက်လျက်ရှိရာ ၂၀၂၅-၂၀၂၆ ဘဏ္ဍာနှစ်တွင် (၅၆)ယူနစ် တိုးချဲ့ ဆောင်ရွက်ရန်လျာထားခဲ့ပြီး အစီရင်ခံသည့်ကာလတွင် ကျေးရွာယူနစ် (၅၆) ယူနစ်၌ စိုက်ပျိုးရေးအစုအဖွဲ့ (၃၉)ဖွဲ့၊ မွေးမြူရေးအစုအဖွဲ့ (၁၄၁)ဖွဲ့၊ ကုန်ထုတ် လုပ်ငန်းအဖွဲ့ (၄၃)ဖွဲ့၊ စုစုပေါင်းအစုအဖွဲ့ (၂၂၃)ဖွဲ့၏ လုပ်ငန်းအဆိုပြုလွှာများ အတည်ပြု၍ ရန်ပုံငွေများလွှဲပြောင်းပေးခဲ့ပြီး လုပ်ငန်းပြီးစီးမှု (၁၀၀%)ဖြစ်ပါသည်။